Ilambo ya vathiyi inodha khala paradaizo elini?

Nyarwa dha chineneeva dhinothonyi-edha ira Umwene wa Nlungu unochinja ilambo ya vathiyi ira ikhale paradaizo. Luka 21:10, 11; 2 Timoteo 3:1-5

Bibilya lo-oonga vyongo vinjinji vinaireya malambo ano. Lo-oonga ira atu anodha khala odhiveliwa kobiri, oovwela anamabala, auwali na odhiveliwana vyongo vya ututu.

Bibilya titho lo-oonga ira unodha khala viteke-teke vilukulu vya teya, khondo, sauweleya wa vyodya na marenda mamburo o-iyana-iyana. Vyongo vyevyi vinaaireya malambo ano.

Wenjedhela vyevyo, Yesu o-oonga ira milanyu yaphama ya Umwene wa Nlungu inodha laleiwa va ilambo yothene ya vathi.—Mateu 24:14.

Umwene wa Nlungu unodha mali-a vyothakala vyothene. 2 Pedru 3:13

Chineneeva, Yohova unowanonga atu othene oira vyongo vyothakala.

Satana unodha nongiwa vambo-i na anemba aye.

Mutu unavwela Nlungu unodha vulumuwa ira akhale na ingumi mu ilambo ipsa yolongomana; mwemo atu katinodha ovanga. Mu ilambo yeyo, atu anodha dhivelananga, titho anodha roromelangana.