Hulda atookwakwaneli-edha ifunelwee

MWA-ADHOWE wu Indonesia muvyawa viraru vivirile ndulimu, mwangaafwaidhe arongola araru enao talaba basa kundu mwa bara vaisuwa ing’ono ya Sangir Besar. Aliwa taidhiweyana maningi na basa yofunji-a atu Bibilya. Mbwenye vahora yen’na aliwa talaba basa n’nango.

Yoroma, aliwa tanoodhowa mwikomo matukulanga mabwe malukulu malukulu dhangana rundani. Enango mwamabwao takala malukulu maningi orungunuwa ninga bola. Taira e-no tanokaathi vamipandwiwa noathwanga mabwao na martera ira takale mang’ono. Tamala aliwa a-ela mabardhini noadhowana wakala aliwa. Taira e-no tanoa-ela mabwao masakani malukulu ira makaro taatukulenga vevo nodhowa maa-indi-edhanga basa vosaka-edha marapa.

M’mbo-i mwaarongolala ali Hulda. Namwasa wa mwemo mwakalele vyongo vaingumiyee, liye anoolaba basiyo wahora indendai kwaranya afweyao. Kobiri dhafwanya liye anoodhi-indi-edha basa vogulana vyongo vyofuneela banjalee. Mbwenye vahorila liye atokaana ifunelo inango vyalaba liye basali. Ifunelwee yali yoi agule telefoni ya tabuleti naifunelo yoi aodenga ona vyongo va apilikativo wa JW Library^®. Hulda atoidhiwa ira mavidiyo na vyongo vinango vyofwaneya va JW Library vinooda m’kami-a akala muurumiwini thitho vinom’kami-a vwechecha vinoonga Bibilya.

Va mwedi na meya, Hulda alaba basa wa mahora menli namaebe-i aliothene, voi maebe-i aliothene anoothwa mabwe odhali-a karo imbo-i ing’ono. Voi e-no atoofwanya kobiri yogulana tabuleti.

Hulda aongile ira, “Angalive ira ndanoochenyela thitho mandhani mwanga mwanookala vilonda, upha wethene watoomalelatu ndingaromile i-ndi-edha basa tabuletuwo. Tabuletuwo wanoondikami-a ira ndilaleelenga atu mowafiya varimani thitho ndanookozeela migumano yapingo mo-orucha.” Liye atoonga thitho ira tabuletuwo watom’kami-a maromelo wene wa sau wa koronaviru venango COVID-19, namwasa oi vyongo vinjinji pingoni kavyaireya vamethoni na vamethoni. Nili osangalala vambo-i na Hulda namwasa oi atookwakwaneli-edha ifunelwee.