“Mukale olimba, na o-otekenyeya”

1-2. N’nga Kristau unofwanafwana a-vi na nyumba yolapa? (1 Akoritiyo 15:58)

MUYAWA ya 1970 wu Tokyo ilambo ya Japao, watoomangiwa nyumba dhothandhaedhana dhokwakwana 60. Atu enao taona nyumbila vyamangiwa aliwa, tanoovikumbanyedha namwasa oi sidadinimo mwanoireya vindharandhara. N’nga chini yairi-idhe ira nyumbila iwode limba? Atu adodoliso enao tamanga nyumbila, taimangile ira ikale yolimba thitho iwodenga tekenyeya mbwenye aliwa a-nongeya. N’nga Makristau tanofwanafwana a-vi na nyumbila?

² Kristau unofwanela kala o-otekenyeya thitho vahora imbo-ive yeniyo, unofwanela kala ololela. Unofwanela kala olimba thitho o-otekenyeya vamwasa o-arela malamulo a Yohova na makundwee. (Muleri 1 Akoritiyo 15:58.) Unokala “okozeya vwela” thitho unodhowanave kala ororomeleya. Mbwenye unofwanela kala “ololela” akala ira pyoodeya venango vyafuneyanga ira vikale ee-no. (Yak. 3:17) Kristau wenuo unoona vyongo mofwanelela va myasa dhedhi, unorambela kwimi-a maningi venango levelela vyongo. Muyofunjedha yei, ninotapanya mwemo munakalele i-yo o-otekenyeya. Ninodha tapanya thitho ndhila 5 dhedho Satana dhino-indi-edha liye basa vofuna fooki-a sikimizela wi-u rima na mwemo munarambele i-yo migo-ee.

N’NGA NINAIRE A-VI IRA NIKALE O-OTEKENYEYA?

3. N’nga mbamalamulo avi okumela wa Mulimbo velela malangi-o Nlukulu anoafwanya i-yo valemba la Mayirelo 15:28, 29?

³ Ninga mulimbo velela Malamulo Nlukulu, hora dhothene Yohova ukadhi ava-anga atwee malamulo ovweya pama. (Esaya 33:22) Mofwanafwani-a, gulu lotonga la muhora ya arumiwi, latoonga ira Makristau tanofwanela kala olimba mundhila dhirarudhi: (1) rambela lambela vifwano nomlambelanga Yohova baa-i, (2) lemeza pambuleya wa sangiri thitho (3) a-rela makundo a Bibilyani oonga vya makalelo apama. (Muleri Mayirelo 15:28, 29.) N’nga Makristau a malamboano tanaire a-vi ira taode dhowanave kala o-otekenyeya va vyongo viraruvi?

4. N’nga ninothonyi-edha a-vi ira nili odhivelela wa Yohova baa-i? (Apokalipse 4:11)

⁴ Ninorambela lambela vifwano nomlambelanga Yohova baa-i. Liye atoawandela ana Israeli ira tadhivelele wa liye baa-i. (Dotor. 5:6-10) Hora yawesedhiwa liye na Namanami-a, Yesu atoonga movweya pama ira ninofwanela mlambela Yohova baa-i. (Mat. 4:8-10) Ee-no kanino-indi-edha basa vyongo vyosema volambela wi-u. Thitho kaninolemeza maningi atu fiyedha vokalanga ninga ninaalambela—mo-obala akala mbaanamasogolela amareligiau, andale venango atu adodoliso naatu enango—enao tali ovweya. Ninokala uikundu ya Yohova nomlambelanga liye baa-i namwasa oi liye, “ngwapanduchile vyongo vyothene.”—Muleri Apokalipse 4:11.

5. N’nga mwasiwa ngwan’ni ninovwela lamulo la Yohova loonga pambuleya wa ingumi na sangiri?

⁵ Ninovwela lamulo la Yohova loonga vyopambuleya wa ingumi na sangiri. Mwasiwa ngwan’ni? Mwasiwa ngoi Yohova unoonga ira sangiri linoimelela ingumi yeniyo ili yotuva ya pereso yavadhulu iniva-idhe liye. (Lev. 17:14) Vahora Yohova yarumeli-idhe liye ira atu tadyenga vinyama, atoawandela ira katidyenga sangiri. (Maro. 9:4) Liye atoweleli-edha okoka lamulo leli vevo vavelenle liye ilamulo wa Mose wa ana Israeli. (Lev. 17:10) Thitho atosogolela gulu lotonga la muhora yaarumiwi ira livelele lamulo loi Makristau othene “tadhowenave rambela udya . . . sangiri.” (Mayir. 15:28, 29) Ninokala o-otekenyeya vovwela lamuloli, nasakulanga wachela pedhelo la mirombwe.b

6. N’nga ninofuneela iran’ni ira ni-arelenga makundo a Yohova a makalelo apama?

⁶ Nino-arela na rima othene makundo a Yohova a makalelo apama. (Aeb. 13:4) Vo-indi-edha basa madhu aifwanafwani-o, rumiwi Paulo atoonilangi-a ira niiri-e vyano vya tutuli-u kala “vyokwa”—wewo uli ira yongo iliyothene yeyo inaode i-yo ira na-alavelenga vyongo vyothakala. Ninorambela ing’ana venango irana vyongo vyevyo vinairi-e ira niode irana vyongo vyamararuo. (Akol. 3:5; Yobo 31:1) Ee-no nagumanana vyowesedha, hora yeniyoene ninorambela thuulela venango irana vyongo vyevyo vinanonge uxamwali-u na Nlungu.

7. N’nga ninofwanela sikimiza rima iranan’ni, n’nga mwasiwa ngwan’ni?

⁷ Yohova unodedi-edhela ira “nimvwelenga na rima othene.” (Aroma 6:17) Malangi-oe anonikami-a thitho hora dhothene ninofwanela avwela. (Esaya 48:17, 18; 1 Akor. 6:9, 10) Ninoira vyothene vyevyo vinaode i-yo ira nimdhiveliwi-enga Yohova thitho kaana mathuulelo mambo-ive ninga ana mulimbo lemba salimo wenuo aongile ira: “Nditosikimizela rimanga a-rela malangi-inyu fiyedhela dhowa nodhowa ee, vaingumi yanga yothene.” (Sal. 119:112) Mbwenye Satana unofuna ira anifooki-e. N’nga tindhila dhiivi dhino-indi-edhela liye basa voirana vyevyo?

N’NGA SATANA UNO-INDI-EDHELA BASA DHILA DHIIVI VOFUNA NIFOOKI-A?

8. N’nga Satana uno-indi-edha a-vi basa oni-iwa nyarwa vofuna nifooki-a?

⁸ Oni-iwa nyarwa. Satana unonioni-a nyarwa vofuna dodomi-a ifunelwi-u yoi nikale o-otekenyeya. Ifunelwee choi, “animeze” venango ira anonge uxamwali-u na Yohova. (1 Pe. 5:8) Makristau oroma tanootuchiwa, komiwa thitho piwa namwasa oi tali osikimizela rima kalave olimba venango o-otekenyeya. (Mayir. 5:27, 28, 40; 7:54-60) Satana unodhowanave irana vyevi malamboano. Ninoona umboni wa vyevi naona mwemo abali naarongoli-u munooni-edhiwa aliwa nyarwa wu Russia na vilambo vinango thitho dhimbinuweliwa naatu oruni-a.

9. Muonge ifwanafwani-o yothonyi-edha ira ninofwanela ira polepole na vyowesedha vyo-ooneya.

⁹ Vyowesedha vyo-ooneya. Wenjedhela vooni-a nyarwa mo-ovira kundu arumiwi a Yohova, Satana uno-indi-edha thitho basa vyoireya “vyainyengo.” (Aef. 6:11) Mofwanafwani-a, kathuulelani vyevyo vyam’mwireele bali unango dhinalee Bob, wenuo abaxarile ximitari vodedi-edhelanga ira airiwe operasau. Liye atowandela maenfirimero ira muli mothene munofuna aliwa kalela, kanofwanela e-liwa sangiri. Enfirimero wenuo am’mwira operasau atorumela ira unodha irana vyongo visakule liyevyo. Mbwenye adedi-edhelanga iriwa operasau dambo lo-arela, enfirimera unango atodhowa mam’gumananee Bob atu a banjanimwee tangadhowile mavandhe mwiwa. Enfirimeruo atom’mwandela Bob ira, angalive ira va operasaunivee katino-ela sangiri, aliwa tanodha lokota sangiri n’nango naifunelo yoi tadhamva-e vyafuneyanga. Venango enfirimeruo aona ira Bob unooda chinja mathuulelwee voona ira vahora yeniyo abalee katalivo. Mbwenye baluo kaachinjile mathuulelwee thitho atoonga ira mulimothene munakalele aliwa kanorumela e-liwa sangiri.

10. N’nga zelu dhaatu toopi-a moi a-vi? (1 Akoritiyo 3:19, 20)

¹⁰ Zelu dhaatu. Naonanga vyongo motukulela zelu dhaatu, ninooda i-ya a-rela makundo a Yohova. (Muleri 1 Akoritiyo 3:19, 20.) Hora dhinjinji “zelu dhailamboi” dhinoiri-a ira atu ta-avwelenga Nlungu. Makristau enango au Pegamo na Tiyatira, tatoroma ona myasa yoonga lambela vifwano thitho vyamararuo ninga mwemo atu anjinji amatatamonimo mwaonela aliwa. Yesu atosumulula mwakopolo mipingo yen’na, namwasa opwaza kalelo la mararuo. (Apok. 2:14, 20) Malamboano thitho ninokanyi-edhiwa na ilamboi ira nionenga vyongo modaweya. Abali-u aututuni venango afwi-u tanooda nikanyi-edha venango nilimbi-a ira niire vyongo vyevyo vinairi-e ira ni-iyachi m’vwela Yohova. Mofwanafwani-a, aliwa tanooda niwandela ira kai vyodaweya irana vyongo vinofuna i-yo thitho ira makundo a Bibilyani amakalelo apama mbawale.

11. N’nga ninofwanela rambelan’ni vevo vanodhilimbi-edha i-yo kala o-otekenyeya?

¹¹ Hora dhinango ninooda ona ira malangi-o anoniva-a Yohova mbo-okami-a. Venango thitho ninofiyedhela wesedhiwa ira “niire vyongo kwaranya vyolembiwa.” (1 Akor. 4:6) Anamasogolela amareligiau a muhora ya Yesu, tanoorucheya va mwasa wen’na thitho voirana vyevi tanoodawi-a vyongo. Vowenjedhela malamulwiwene a ilamulo, aliwa tanootukuli-a atu tolo. (Mat. 23:4) Yohova unoniva-a malangi-o ovweya pama dhela m’madhwee thitho gululee. (Sang. 3:5-7) Kanina myasa yovweya yowenjedhela makundwi-u, va malangi-o anoniva-a Yohova. Ee-no kaninokwaranya vyongo vilembiwile Bibilyani venango kaathi-a malamulo wa makristau afwi-u vamyasa dhedho uliwethene wa i-yo dhinofwanela liye sakula.

12. N’nga Satana uno-indi-edha a-vi basa “inyengo”?

¹² Inyengo. Satana uno-indi-edha basa “inyengo” na “vyoireya vyava ingumi yaatu a muilamboi” vofuna dimeli-a nogawani-a atu. (Akol. 2:8) Muhora yaarumiwi vyevi vyathangani-avo zelu dhaatu, vilemeelo vya Iyuda vyo-ovwelana na malemba na mafunji-edho oi Makristau ta-arelenga ilamulo ya Mose. Vyevi vyali vyainyengo namwasa oi vyanoiri-a atu ira ta-athuulelenga vya mwinyaa wa zelu Yohova. Satana uno-indi-edha basa maradiyo, TV venango mamburo owaredhela avainternetini, vofuna mwadha myasa dhomana dhedho anamasogolela andale dhinolimbi-a aliwa. Natoona umboni wa vyevi vahora ya sau wa COVID-19.c Amboni dha Yohova enao tavwela malangi-o oveleliwa na gulu li-u, katavikumbanyedha ninga mwemo mwakalele atu enao tavuruwana makundo onama.—Mat. 24:45.

13. Mwasiwa ngwan’ni ninofwanela ira polepole na vyongo vyododomi-a?

¹³ Vyododomi-a. Ninofwanela dhowanave e-la mathuulelwi-u va “vyongo vyofuneya maningi.” (Afil. 1:9, 10) Vyongo vyododomi-a vinooda ninongela hori-u thitho niiri-a ira na-akaena ifunelo va vyongo vyofuneya maningi. Vyongo vinoira i-yo hora dhothene ninga—udya, umwa, vyodhiveliwi-a thitho basa—vinooda nidodomi-a akala ninovi-ela valimburo loroma vaingumi yi-u. (Luka 21:34, 35) Wenjedhela vevo, dambo nlilothene ninovuruwana myasa dhoonga kangana thitho vyandale. Kanirumeli-e ira niode dodomi-iwa na myasa dhedhi. Akala kaninoira polepole, ninooda volowela muvyongo vyevi m’mathuuleloni na rimani mwi-u. Satana uno-indi-edha basa ndhila dhothene dhiongile i-yodhi, vofuna dodomi-a ifunelwi-u yoi niirenga vyongo vyofwanelela. Dhoweni nioneni vyongo vinaire i-yo ira nilimbanena vyowesedha vyevi thitho kalave olimba.

N’NGA NINAIRE A-VI IRA NIKALEVE OLIMBA?

14. N’nga chiyongo imbo-i iivi inanikami-e ira nikaleve wu ikundu ya Yohova?

¹⁴ Muthuulelenga mwasa uiri-idheni ira muode dhivelela nobadiziwa. Mwatoira vyevi namwasa ofuna kala wu ikundu ya Yohova. Muthuulelenga yongo imbo-i yausikimizeli-eni ira mutofwanya imbarimbari. Mwatofunjedha makundo aimbarimbari oonga vya Yohova thitho mwatoroma mdhiveliwana nomlemeza maningi ninga Babinyu wadhulu. Mwatokaana iroromelo thitho vyevi vyatouiri-ani ira muchinyuwe. Riminyu watoulimbi-ani ira mu-iye makalelo othakala thitho muirenga vyongo movwelana na ifunelo ya Nlungu. Mwatovivwa pama mungaidhi ira Nlungu atoulevelelani vyodawa vinyu. (Sal. 32:1, 2) Mwatoroma fwanyeya vamigumanoni, thitho wandela atu enango vyongo vyova-a ifunelo vyafunjedhanyo. Ninga Kristau odhivelela thitho obadiziwa, vachineneeva munowenda vandhila yodhowa wu ingumi thitho muli osikimiza ira munodhowanave wenda vandhilila.—Mat. 7:13, 14.

15. N’nga funjedha nothuulela modi-a Madhu a Nlungu kokami-a moi a-vi?

¹⁵ Mufunjedhenga Madhu a Nlungu noathuulelanga modi-a. Mofwanafwana na imiri yeniyo inokala yolimba namwasa oi itokaana michichi yodhowa vathi, i-yo thitho ninooda kala olimba akala nitokaana iroromelo namwasa ofunjedha Madhu a Nlungu. Imiri yaulukulanga michichee inodhowa vathi thitho inooda injiva. Mofwanafwana na vyevi, nafunjedhanga Madhu a Nlungu noathuulelaga modi-a, ninokaana iroromelo yolimba thitho osikimiza ira makundwee mbapama maningi. (Akol. 2:6, 7) Muthuulelenga mwemo malangi-o a Yohova mwakami-edhe aliwa thitho vunela arumiwee andulimu. Mofwanafwani-a, Zakiyeli anoira chidwi vevo ngelo vyaweza liye kachisi wam’moni liye masopenyani. Masopenyala tatom’limbi-a Zakiyeli thitho ninofunjedhavo makundo ofuneya oonga vyevyo vinaire i-yo ira ni-arelenga makundo a Yohova oonga lambela waimbarimbari.d (Zakiy. 40:1-4; 43:10-12) Ninoganyali maningi nakaangana hora yofunjedha thitho thuulela vyongo vyodi-a vya M’madhu a Nlungu.

16. N’nga kaana rima okaatheya, wamkami-idhe a-vi Bob? (Salimo 112:7)

¹⁶ Mudhilimbi-edhenga kaana rima okaatheya. Davide atoothonyi-edha ira kaaode i-yachi kaana rima omdhiveliwi-a Yohova vevo vaombile liye ira: “Rimanga utokaatheya, nyo Nlungu.” (Sal. 57:7) I-yo thitho ninooda kaana rima okaatheya, nom’roromelanga maningi Yohova. (Muleri Salimo 112:7.) Kathuulelani mwemo vyevi mwamkami-edhile aliwa Bob wenuo um’mongile i-yo maromelou. Angawandeliwile ira vanodha lokotiwa sangiri loi tam-ele vyafuneyanga, hora yeniyoene atoakula ira, akala mainfirimero tanodha m-ela sangiri unokuma ximitarinimo. Vasogolovee Bob atoonga ira: “Ndali osikimiza rima thitho kandavikumbanyedhave.”

17. N’nga ninofunjedhavon’ni va vyevyo vyam’mwireele Bob? (Muone thitho iruthiruthi.)

¹⁷ Bob kaatekenyeile namwasa oi atovaelatu sakula vyofuna ira a-anadhowe ximitari. Yoroma, liye anofuna msangalali-a Yohova. Yanambili, ali angafunjedhile mwapolepole vyongo vyevyo Bibilya na mabukhwi-u vinoonga aliwa vamwasa oonga pambuleya wa ingumi na sangiri. Yaneraru, kaakaikela ira a-rela malangi-o a Yohova wangam’mwiri-idhe ira afwanye maraeli-o o-omala. I-yo thitho ninooda kala o-otekenyeya mo-obala vyowesedha vinagumanena i-yo.

18. N’nga ifwanafwani-o ya Baraki inonifunji-an’ni vamwasa om’nyindela Yohova? (Muone iruthiruthi yavakapani.)

¹⁸ Munyindelenga malangi-o a Yohova. Kathuulelani mwemo nyindela malangi-o a Yohova mwam’kami-edhe aliwa Baraki. Angalive ira muilambwiyo kamwali vyongo vyovibarelana vamirimani, Yohova atom’mwandela ira amawane kondo na gulu laanyakondo awu Kanani losogoleliwa na Sisera lelo lana mafaramento othene owanana kondo. (Anam. 5:8) Namaongela wa i-yana Debora atom’mwandela ira: Athithe vamwangoni nodhowa ipedipedi ira amagumane na Sisera wenuo ali angana magaleta okwakwana 900. Angalive ira magaleta a Sisera kataode rucheya wenda mu ipedipedimo, Baraki atorumela. Vahora yeniyo anyakondwawo vyaroma aliwa thitha vamwangoni wa Tabori, Yohova atoroma rumbwi-a dhongwe. Vyevi vyatoiri-a ira magaletawo tambamele marogodoni thitho Yohova atoiri-a ira Baraki aganyali vakondwiyo. (Anam. 4:1-7, 10, 13-16) Yohova unodha iri-a ira i-yo thitho vyongo viniwendelenga pama akala ninom’nyindela thitho vwela malangi-oe anoniva-a liye dhela mu gululee.—Dotor. 31:6.

MUKALE OSIKIMIZA IRA KAMUNODHA TEKENYEYA

19. Mwasiwa ngwan’ni munofwanela kala o-otekenyeya?

¹⁹ Ninodha dhowanave limbanana kondo yofuna kala o-otekenyeya vahora yothene inokala i-yo muilambo yothakalila. (1 Timo. 6:11, 12; 2 Pe. 3:17) Dhoweni nikaleni osikimiza rima ira na-adodomi-eye na vyongo ninga oni-iwa nyarwa, vyowesedha vyo-ooneya, zelu dhaatu, vyoireya vya inyengo thitho vyododomi-a. (Aef. 4:14) Malonimwee, dhoweni nikaleni olimba, o-otekenyeya vomlambela Yohova thitho kani-iyachi vwela malamulwee. Mbwenye nairangani vyevi ninofwanela kala ololela. Muyofunjedha yo-arela, ninodha tapanya mwemo Yohova na Yesu mukalele aliwa vifwanafwani-o vyapama vamwasa ololela.