Vyothene na Mwasa Waimwerumweru!

Helen ateanga karinya ya mabuku olaleelana yangali vakundo vee. Azombwe ambili taviranga sogolo wa karinya.

ASIKANA ambili tawendanga kundukundu mwa merkado sidade la Baguio, ilambo ya Filipina. Aliwa tatoona karinya yolaleelana, mbenye aliwa tatovira ooimelene. Helen rongola alabana karinyuo, atoatheela vinjinji. A-iyanao tatoodhowanave ulendwiuo, mbwenye tatoodabwa na moda waatheele rongolule.

Vangavirile hora, aliwa taira welao waya aliwao dhowanga mudhi tangali minibasini tadhaing’ane taoni ikwangwani yolembiwa Salão do Reino na maletra mambo-ive aoni aliwa vakarinyani vale oi: jw.org. Aliwa tatoothitha minibasini mule ira tamaone hora inovolowecha atu migumanoni vakadha pingo yagumaneecha vevo.

Asika ambilale tateanga tangagumane na Helen munyumbani Yaumwene.

Vangavirile hora vang’ono asikana ambilene enale tatoodhowa migumanoni, nyomunooda mro-edha wafaidhe atu vamigumanoni? Ali Helen! Aliwa tatoomthuulela mombranya, ali i-yana asimbile atheelule. Helen uongile ira: “Vyafiile aliwa duzi na miyo, ndatoodabwa vang’ono. Ndathuulela ira vatokala yaadawele miyo.” Asikanao tatommwandela Helen yadhele aliwa vevale.

Asikanao tatodhiveliwa maningi na migumanwiyo thitho no aidhiwa abali na arongola, aliwa taviona ninga alimudhi. Vyaoni aliwa atu enango tacheni-anga salauni, naaliwene tatoodhivelela aliwa kami-a basalo. Sikana m’mbo-i mwaaliwa utothama wu Filipina mbwenye m’mbo-i ulive weo thitho unodhowanave fiyanga vamigumanoni, thitho utoroma funjedha Bibilya—vyothene na mwasa waimwerumweru!