Vyoireya

Vwela tangaranga atu othene

Rongola mwinga wau Nova ­Zelandia atoo­nela vidiyo va jw.org yoonga ira kaiira Yohova unovwela atu tangaranga khumela vathi varima baa-i, mbwenye unodhithonyi-edha tangarangadho. (Esaya 63:7-9) Rungoluo atoira masakha-edho oi a-arelenga makhundo avidiyonimo, vodhilimbi-edha kaangana hora yoi akhami-enga atu enango. Angadhowile me­rekado va dambo lelo, atoogumana na i-yana mwinango wenuo a-ana vokaathi. Liye atom’fuka akala unofuna ira aguleliwe yodya. I-yanuo atoorumela. Rongoluo angadhidhe­na yodya, atom’laleela vo-indi-edha basa taratado la muru oi, N’nga nyarwadhi dhinodhamala?

Voi e-no i-yanuo atooroma ula. Liye aongile ira aulukhulele banjani mwa Yohova, mbwenye vatovira vyawa vinjinji khumela vevo ­va-iidhe liye imbarimbari. Voi ukhadhi alo­belanga wa Yohova ira am’kami-e welela banjanimwee. Rongoluo atom’va-a Bibilya noi­ra masaka-edho oi afunjedhenga Bibilya vambo-i na liye.a

Molandana na Yohova, i-yo thitho ninooda vwela tangaranga atu enango thangani-avo abali-u na abali naarongola apingoni. Ninooda thonyi-edha tangaranga atu enango vokaangana hora yoi naalaleelenga.