Vyongo vinaukami-eni ira mufunjedhenga sumana iliyothene
N’nga vinouruchani funjedha Bibilya wavamwekene sumana iliyothene nosangalalangana funjedhao? I-yo othene hora dhinango vinoniireelecha. Mbwenye kaathuulelani vyongo vinango vyevyo vinoirecha i-yo hora dhothene, ninga a-mba. Ira mutu a-ambe vanofuneela hora thitho thindhi mbwenye a-amba unovivwa pama. Funjedha Bibilya ninooda fwanafwani-edhela “no-amba m’madhu a Nlungu.” (Aef. 5:26) Dhoweni nioneni makhundo enango ananikami-e va mwasula:
Mukaengana thandha. Funjedha Bibilya ndi yongo imbo-i mwa vyongo vyofuneya maningi vyevyo Kristau vya-anofwanela liye vivwalavwali-a. (Afl. 1:10) Ira mu-arelenga pama thandhinyu, muu-elenga vevo vanaodenga nyo uona mo-orucha ninga ufyetela vachi-ini venango va konjiladoreni. Munooda e-la alarme na telefoninyu ira hora yofunjedha yawandamelanga ulenga.
Musakenga hora na ndhila yofunjedha yeniyo inaukami-eni. N’nga munodhiveliwana funjedha fendo imbo-i va sumana wa hora indendai venango fendo dhingasi mogwandela? Munooda ira masaka-edho oi mufunjedhenga movwelana na mwemo mukalele vyongo vaingumiinyu. Akala munoona ira hora yofunjedha yafiya munovwalavwali-a, muwesedhenga funjedhanga maminutu 10 baa-i. Funjedha wa hora yoyeva ee-ni unooda ukami-ani maningi i-yana na-afunjedha. Venango mwaroma funjedha munodha limbi-iwa ira mudhowenanve.—Afl. 2:13.
Musakelengatu myasa inofuna nyo ifunjedha. Mwakaathi nothuulelanga ira mufunjedhe va hora yeniyo, kamunaode i-ndi-edha “pama basa horinyu.” (Aef. 5:16) Munoira pama sakelatu myasa inofuna nyo funjedha noilemba. Yofuka inangoyee yadha mathuuleloni mwinyu muilembenga. Mwamari-a funjedha fendo iliyothene, muwenjedhelenga vyongo vinofuna nyo dhafunjedha.
Mukalenga okozeya chinja. Mudhilimbi-edhe chinja vyongo vinango va thandhani vinyu ninga injiva wa hora venango myasa inofuna nyo funjedha. Yofuneya maningi kai dambo, injiva wa hora venango myasa inofuna nyo funjedha, mbwenye ndi funjedha sumana iliyothene.
Ninoganyali maningi nafunjedhanga sumana iliyothene. Uxamwali-u na Yohova unokala olimba thitho ninolimbi-iwa irana vyongo mwazelu.—Yos. 1:8.