Mukaathinga va limburo lapama mwafunjedhanga

N’nga munofuna ganyali maningi mwafunjedhanga Bibilya vamwekene? Muwesedhe a-rela makundo ala:

• Mwafunanga funjedha musakulenga limburo lapama. Vyakala vyoodeya, mukaathinga valimburo lauyesa venango losamaleliwa pama thitho mokala njeza yokwakwanela. Mwakala m’mba munooda i-ndi-edha basa meza venango saka limburo lapama vandhe.

• Mukalengavo mwekene. Yesu atoosakula dhowa malobela “namaebe-i maningi” thitho “wu limburo wo-okala atu.” (Mrk. 1:35) Akala pyo-oodeya kaathi va limburo lamwekene, munooda wandela atu abanjani mwinyu venango atu anokala nanyo vambo-i ira vahora yofunjedha ta-audodomi-eni.

• Mu-elenga mathuulelwinyu va vyongo vinofunjedha nyo. Murambelenga i-nda vyongo vinaudodomi-eni. Akala mutokaana telefoni venango tabuleti vahora inofunjedha nyo, mui-elenga silensiyo ira ya-audodomi-eni. Mwathuulela vyongo vyoi muviirena, muvilembenga mogwandela vaikundu inango na ifunelo yoi mudhaviirena vahora inango. Mbwenye mwaroma ona ira mathuulelwinyu atoroma wendawenda venango thuulelanga vyongo vinango, muromenga vumela nowenda vang’ono venango vidhongola ira mathuulelwinyu takale limburoni mwiwa.