Nzembo

114 Ntango Yisraele abimaki na Ezipito,+

Ndako ya Yakobo eutaki epai ya bato oyo bazalaki koloba monɔkɔ moko ya makasi,+

 2 Yuda ekómaki esika na ye mosantu,+

Yisraele bokonzi na ye monene.+

 3 Mbu emonaki mpe ekimaki;+

Bongo Yordani ebandaki kozonga nsima.+

 4 Bangomba epumbwaki lokola bampate-mibali,+

Bangomba mike lokola bana-mpate.

 5 Ee mbu, osalaki likambo nini mpo okima,+

Ee Yordani, mpo obanda kozonga nsima?+

 6 Ee bangomba, mpo bópumbwapumbwa lokola bampate-mibali;+

Ee bangomba mike, lokola bana-mpate?+

 7 Ee mabele, lɛngá liboso ya Nkolo,+

Mpo na Nzambe ya Yakobo,

 8 Oyo azali kokómisa libanga etima oyo etondi na matiti,+

Oyo azali kokómisa libanga ya silekise liziba ya mai.+