Basambisi

18 Na mikolo wana, mokonzi azalaki te na Yisraele.+ Mpe na mikolo yango, libota ya Badani+ ezalaki komilukela libula mpo na kofanda kuna; mpamba te tii na mokolo wana, bazwaki naino mabele ya libula na bango te na kati ya mabota ya Yisraele.+

2 Nsukansuka, bana ya Dani batindaki mibali mitano ya libota na bango, mibali oyo bautaki kati na bango, mibali oyo bazalaki bilombe, uta na Zora+ mpe na Eshetaole,+ mpo na konɔnga+ mokili mpe kotalatala yango. Bongo balobaki na bango boye: “Bókende kotalatala mokili.” Na nsima, bakómaki na etúká ya ngombangomba ya Efraime+ tii na ndako ya Mika+ mpe balalaki wana. 3 Ntango bakómaki pene na ndako ya Mika, bayokaki mongongo ya elenge mobali, Molevi, mpe balekaki kuna. Bongo balobaki na ye ete: “Nani amemi yo awa, ozali kosala nini na esika oyo, mpe eloko nini ozali koluka awa?” 4 Bongo ye alobaki na bango boye: “Mika asaleli ngai boye na boye mpo na kozwa ngai na mosala mpe afutaka ngai,+ mpe mpo nasalela ye mosala ya nganga-nzambe.”+ 5 Na yango, balobaki na ye ete: “Tobondeli yo, tuná+ Nzambe+ mpo tóyeba soki nzela oyo tozali kokende ekozala malamu.” 6 Bongo nganga-nzambe yango alobaki na bango boye: “Bókende na kimya. Nzela na bino oyo bozali kokende ezali liboso ya Yehova.”

7 Na yango, mibali wana mitano bakendaki mpe bakómaki na Laishe+ mpe bamonaki ndenge bato oyo bazalaki kuna bazalaki komityela motema, ndenge Basidone bazalaka, na kimya mpe bazalaki kobanga eloko te,+ mpe ezalaki na mobɔtɔli-mboka moko te, oyo anyokolaka, oyo azalaki komonisa bango mpasi na mokili wana, mpo bazalaki mosika na Basidone+ mpe bazalaki kokɔta na makambo ya bato te.

8 Na nsima, bayaki epai ya bandeko na bango na Zora+ mpe na Eshetaole,+ mpe bandeko na bango babandaki koloba na bango boye: “Boni esika bokendaki?” 9 Mpe bango balobaki ete: “Bótɛlɛma, mpe tómata mpo na kobunda na bango; mpo tomoni mokili yango, mpe talá! ezali malamu mingi.+ Kasi bino bozali kokakatana. Bózala na gɔigɔi te mpo na kokende kokɔta mpe kozwa mokili yango.+ 10 Ntango bokokɔta, bokokuta bato moko oyo bazali kobanga eloko te,+ mpe mokili ezali monene mpenza; mpo Nzambe apesi yango na lobɔkɔ na bino,+ ezali esika oyo ezangi ata eloko moko te oyo ezalaka awa na mabele.”+

11 Bongo mibali nkama motoba (600) ya libota ya Badani,+ bakangi bibundeli ya etumba na loketo, balongwaki wana, elingi koloba: na Zora mpe na Eshetaole.+ 12 Basimbaki nzela mpe bamataki mpe batyaki kaa na Kiriate-yearime,+ na Yuda. Yango wana, bapesá esika yango nkombo Mahane-dani+ tii na mokolo ya lelo. Talá! Ezali na wɛsti ya Kiriate-yearime. 13 Nsima na yango, balongwaki wana mpo na kokende na etúká ya ngombangomba ya Efraime mpe bakómaki tii na ndako ya Mika.+

14 Bongo mibali mitano oyo bakendaki konɔnga+ mokili ya Laishe+ bapesaki eyano mpe balobaki na bandeko na bango ete: “Boyebi ete, na bandako oyo, ezali na efode mpe baterafime+ mpe ekeko oyo eyemami+ mpe ekeko ya ebende oyo enyangwisami?+ Sikoyo, bókanisa nini bosengeli kosala.”+ 15 Bongo balekaki wana mpe bakómaki na ndako ya elenge mobali yango, Molevi,+ na ndako ya Mika, mpe babandaki kotuna soki azali malamu.+ 16 Na ntango wana nyonso, mibali nkama motoba (600) oyo bakangaki bibundeli ya etumba+ na loketo, oyo bautaki na bana ya Dani,+ batɛlɛmaki na esika oyo bakɔtaka na porte. 17 Sikoyo, mibali mitano oyo bakendaki konɔnga mokili+ yango bamataki mpo bákɔta kuna mpe bázwa ekeko oyo eyemami,+ efode,+ baterafime+ mpe ekeko ya ebende oyo enyangwisami.+ (Mpe nganga-nzambe+ atɛlɛmaki na esika oyo bakɔtaka na porte, elongo na mibali nkama motoba [600], oyo bakangaki bibundeli ya etumba na loketo.) 18 Bongo mibali yango bakɔtaki na ndako ya Mika mpe babandaki kozwa ekeko oyo eyemami, efode, baterafime mpe ekeko ya ebende oyo enyangwisami.+ Na yango, nganga-nzambe+ wana alobaki na bango boye: “Bozali kosala nini?” 19 Kasi bango balobaki na ye ete: “Fandá nyɛɛ. Tyá lobɔkɔ na yo na monɔkɔ, mpe yaká tókende, okóma tata+ mpe nganga-nzambe+ na biso. Nini eleki malamu: otikala nganga-nzambe na ndako ya moto moko+ to okóma nganga-nzambe ya etuluka mpe libota mobimba na Yisraele?”+ 20 Na yango, motema ya nganga-nzambe esepelaki,+ mpe azwaki efode, baterafime, ekeko oyo eyemami+ mpe akɔtaki na kati ya bato yango.

21 Na nsima, babalukaki mpe bakendaki, batyaki bana, bibwɛlɛ mpe biloko ya motuya liboso na bango.+ 22 Ntango bakómaki mwa mosika na ndako ya Mika, mibali oyo bazalaki na bandako oyo ezalaki pene na ndako ya Mika+ bayanganisamaki mpe bamekaki kokanga bana ya Dani. 23 Lokola bazalaki se kobelela bana ya Dani, bango babalolaki bilongi na bango mpe balobaki na Mika boye: “Likambo nini na yo+ mpo obengisa bato boye?” 24 Bongo ye alobaki ete: “Banzambe na ngai+ oyo nasalá,+ bozwi yango, ná nganga-nzambe,+ mpe bokei na bino, bongo ngai natikali na nini lisusu?+ Mpe ndenge nini bóloba na ngai: ‘Likambo nini na yo?’” 25 Na yango, bana ya Dani balobaki na ye boye: “Mongongo na yo eyokana kutu pene na biso te, noki mibali oyo milimo na bango ekómi bololo+ bákwela bino, mpe obungisa molimo na yo mpe molimo ya bato ya ndako na yo.” 26 Mpe bana ya Dani bakobaki kolanda nzela na bango; mpe Mika amonaki ete balekaki ye na makasi,+ bongo abalukaki mpe azongaki na ndako na ye.

27 Nde bango, bazwaki biloko oyo Mika asalaki mpe nganga-nzambe+ na ye, mpe bakendaki na Laishe,+ kobunda na bato oyo bazalaki kofanda na kimya mpe bazalaki kobanga eloko te.+ Mpe babomaki bango na mopanga,+ mpe batumbaki engumba yango na mɔtɔ.+ 28 Mpe moto ya kobikisa bango azalaki te, mpamba te engumba yango ezalaki mosika na Sidone,+ mpe bazalaki kokɔta na makambo ya bato te; mpe ezalaki na lobwaku ya patatalu oyo ezalaki ya Bete-rehobe.+ Na nsima, batongaki lisusu engumba yango mpe bafandaki kuna.+ 29 Lisusu, bapesaki engumba yango nkombo ya tata na bango, Dani,+ oyo Yisraele abotaki.+ Nzokande, na ebandeli, nkombo ya engumba yango ezalaki Laishe.+ 30 Na nsima, bana ya Dani batɛlɛmisaki ekeko oyo eyemami+ mpo na bango moko; mpe Yonatane+ mwana ya Gereshome,+ mwana ya Moize, ye ná bana na ye ya mibali bakómaki banganga-nzambe ya libota ya Badani tii na mokolo mboka ememamaki na mokili ya bapaya.+ 31 Mpe bakamataki ekeko oyo eyemami ya Mika, oyo ye asalaki, batɛlɛmisaki yango mpo na bango moko mikolo nyonso oyo ndako+ ya Nzambe ya solo ezalaki na Shilo.+