Watchtower MIKANDA OYO EZALI NA INTERNET

Bileli 1:2

Biblia Libongoli ya Mokili ya Sika
- 2 Azali kolela mingi na butu,+ mpe mpisoli na ye ezali na matama na ye.+
  Azali na moto ya kobɔndisa ye te kati na bato nyonso oyo balingaka ye.+
  Baninga na ye nyonso basaleli ye makambo na bokosi.+ Bakómi banguna na ye.+

Bileli 1:16

Biblia Libongoli ya Mokili ya Sika
- 16 Nazali kolela biloko wana lokola mwasi.+ Liso na ngai, liso na ngai ezali kosopa mai mingi.+
  Mpo mobɔndisi akómi mosika na ngai, moto ya kolendisa molimo na ngai.
  Bana na ngai batikali mabɔkɔ mpamba,+ mpo monguna atomboli mapeka.+

Amose 5:16

Biblia Libongoli ya Mokili ya Sika
- 16 “Na yango, talá oyo Yehova Nzambe ya mampinga, Yehova, alobi: ‘Koganga ekozala na bisika minene nyonso ya bato nyonso,+ mpe na babalabala nyonso bato bakoloba ete: “Aa! Aa!” Mpe ekosengela na bango bábenga moloni-bilanga mpo na kolela,+ mpe baoyo bayebi kolela mpo na koganga.’+

Luka 7:12

Biblia Libongoli ya Mokili ya Sika
- 12 Ntango akómaki pene na porte ya engumba, talá! bazalaki komema mokufi+ moko na libándá, mwana se moko+ oyo mama na ye abotaki. Lisusu, mama yango azalaki mwasi oyo mobali akufá. Ebele mpenza ya bato oyo bautaki na engumba bazalaki mpe elongo na ye.