• Yirimia 6:13
    Biblia Libongoli ya Mokili ya Sika

    • 13 “Mpo banda na oyo aleki moke na kati na bango tii na oyo aleki monene na kati na bango, bango nyonso bazali kozwa litomba na ndenge ya mabe;+ mpe banda na mosakoli tii na nganga-nzambe, bango nyonso bazali kobuka lokuta.+

  • Yirimia 14:14
    Biblia Libongoli ya Mokili ya Sika

    • 14 Mpe Yehova alobaki lisusu na ngai boye: “Basakoli bazali kosakola nde lokuta na nkombo na ngai.+ Natindi bango te, napesi mpe bango mitindo te mpe nalobi na bango te.+ Emonaneli ya lokuta, kosakola makambo oyo ebombaná, likambo ya mpambampamba,+ mpe bokosi ya motema na bango, yango nde bazali koloba na bino na maloba ya esakweli.+

  • Bileli 2:14
    Biblia Libongoli ya Mokili ya Sika

    • 14 Basakoli na yo bamoni mpo na yo bimonaneli ya makambo oyo ezangi ntina mpe oyo esilisaka mposa te,+

      Mpe babimisi libunga na yo polele te mpo na kopekisa yo okende, okangama te,+

      Kasi bazalaki se komona mpo na yo bimonaneli ya mayebisi oyo ezangi ntina mpe ya bokosi.+

  • Mika 3:11
    Biblia Libongoli ya Mokili ya Sika

    • 11 Bankumu na ye bazali kosambisa kaka mpo na kanyaka,+ mpe banganga-nzambe na ye mpenza bazali kolakisa kaka mpo na lifuti,+ mpe basakoli na ye mpenza bazali kosakola makambo ebombaná kaka mpo na mbongo;+ ata bongo bazali kokoba kotya motema epai ya Yehova, wana bazali koloba ete: “Yehova azali nde katikati na biso te?+ Mpasi ekoyela biso te.”+