14 “‘Sikoyo mobeko ya likabo ya mbuma* yango oyo:+ Bino bana mibali ya Arona, bópesa yango liboso ya Yehova, liboso ya etumbelo.

16 Arona ná bana na ye ya mibali bakolya oyo etikali.+ Ekolyama lokola limpa ezangá levire, na esika mosantu. Bakolya yango na lopango ya hema ya kokutana.+

7 “‘Mobeko ya likabo ya ngambo yango oyo:+ Ezali eloko oyo eleki mosantu.

6 Mobali nyonso na kati ya banganga-nzambe akolya yango,+ mpe esengeli kolyama na esika mosantu. Yango ezali eloko oyo eleki mosantu.+

12 Bongo Moize alobaki na Arona, mpe na Eleazare ná Itamare, bana na ye ya mibali oyo batikalaki ete: “Bózwa likabo ya mbuma* oyo etikalaki oyo euti na makabo ya Yehova oyo etumbami na mɔtɔ mpe bólya yango, lokola limpa oyo ezangi levire, pene na etumbelo,+ mpo yango ezali eloko oyo eleki mosantu.+ 13 Bosengeli kolya yango na esika mosantu,+ mpo yango ezali eteni na yo mpe eteni ya bana na yo ya mibali oyo euti na makabo ya Yehova oyo etumbami na mɔtɔ, mpo yango nde mitindo nazwi.

8 Na mokolo nyonso ya sabata, akotya yango na molɔngɔ liboso ya Yehova ntango nyonso.+ Ezali kondimana mpo na libela ná Bayisraele. 9 Yango ekokóma ya Arona ná bana na ye ya mibali,+ mpe bakolya yango na esika mosantu,+ mpo ezali eloko oyo eleki mosantu mpo na ye, oyo euti na makabo ya Yehova oyo etumbami na mɔtɔ, lokola mobeko mpo na libela.”

10 Okolya yango na esika oyo eleki mosantu.+ Mobali nyonso akoki kolya yango. Ekozala eloko moko mosantu mpo na yo.+

46 Esika ya kolya oyo etali na nɔrdi ezali mpo na banganga-nzambe oyo bazali na mokumba ya kosala mosala ya etumbelo.+ Bazali bana ya Zadoke,+ baoyo, bauti na Balevi, baoyo bazali na mokumba ya kopusana pene na Yehova mpo na kosalela ye.”+