Loyembo 221
Bilenge, bómekola kondima na bango
1. Ntango akilisamaki mabɛlɛ,
Samwel’akendaki na tempelo ya
Siloh et’asalela Mozalisi,
Atosaki ndai ya monasili.
Bana ya ngang’Eli, bana ya mbindo.
Kasi, Samwel’amekolaki bango?
Te, ye azalaki na botosi bɛɛ.
Ye azalaki nde moyengebene.
2. Kobanda bomwana na ye, Timoté
Ayebaki Makomami Mosantu.
Oy’ayekolaki’atosaki yango,
Na ntango nyonso azalaki sembo.
Mpe mingi batatolaki mpo na ye.
Mpo na yango nde Paul’amemaki ye
O kati na mosala ya misionere;
Akokisaki mpe mikumba na ye.
3. Bilenge basi, bólanda ndakisa
Ya mwana mwasi ya mboka Yisraele.
Na boombo, kondim’elɛmbaki te;
Toli na y’ezalaki na nguya bɛɛ.
Alobaki na mwasi ya Namana:
‘Mosakoli ya Yehova’akosunga.’
Mokonzi wana ayokelaki ye,
Na yango Nzambe abikisaki ye.
4. Bino, bilenge basi mpe mibali,
Bólanda ndakisa wana malamu.
Tozwi mokumba na ntango ya nsuka.
Totindami na Mokonzi Yehova.
Bino, bilenge basi, mibali mpe,
Na nguya, bósalela Mozalisi.
Mokolo na ye, banso tósakola;
Mbano, basembwi na ye nde bakozwa.