TƐNƐ GOITIƐ TE GALA KƆLƆI ZU
Jehova Ɣa Ɓɔ De Va Ani Da Ɣɛna Levesu Faa Ɓaa Su
Ŋetea ɣaa ɓela foloi nii zu da leve faa ɓaa tamaa zu. Tanisu da ɣi-gaa-ziɛ ga dɛ lɛ zooga dɔ leve faa ɓaagi niitiɛ zu. Kɛ ani da lɔtɔna Jehova va, towa ɓɔ de va de lo kpã ani ɓalaa faa ɓaa ka laazu de ma ga ʋike. (Isa 43:2, 4) Da leve ɣɛ le de lɔtɔ Jehova va ani da ɣɛna levesu faa ɓaasu?
Gala-Feliai. Da Jehova ʋelina towa zii-laa ɓɔga gaa-ɓaa ʋe de ya ga de zoo de lo kpã.—Fel 4:6, 7; 1Tɛsɛ 5:17.
Gaalɛ-Baitiɛ. Siɛgi nii ma de ɣaa-ɓaa diɛ kalabogi niitiɛ maa zɔlɔwo Jehova ɣa fe de ya. (Hiiɓ 10:24, 25) Da leve ɣɛ le de wulo kalabo niitiɛ su-nu-ma Jehova ɣa fe de ya? Maa nɛɛ diɛ ɣavele ɓɛtɛ gaalɛ-baitiɛ ʋaa ma na ɣa ɣɛɛna diɛ gaa-zaɣa-kɛɛtiɛ ɣaa wote.—Re 2:29.
Gala Goo Wo Fai. Ani da ɣaa ɓaana Gala goo wotii zu na ɣa ɓɔ de va de ɣaazu ɓado faa vapagitiɛ va. Da da ziɛ-pului zuɓaa wɔnɔ de yɔɔzu da Jehova e vɛɛ de ɣaa yɔwɔ̃itiɛ va.—1Kɔl 3:5-10.
WƐLƐ ƲILOGI NII VA JEHOVA ƔA YEE-ZEI E WU, NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Tei Malu ɣɛni levesu faa ɓaa su zɛɓɛi e ɓɔni ba ga e lɔtɔ Jehova va?
Psalm 34:18 ɣa ɓɔ de va ɣɛ le ani faa baa ka laana de ma, e ɣɛ velei e ɣɛɛni la ga Malu?
Malu na po-kɔ̃ɔ-mai dɛɛvɛ ɣɛ le ga “gaa-ɓaa walai nii pulu lɛ ba” Jehova ɣa fe de ya ani faa ɓaa ka laana de ma?—2Kɔl 4:7