È Ɣìsu Zɛɓɛ Wɔlɔ Ɣa É Gaa Baaboi?

Yà ɣɛ tea tɔ gaa . . .

nu ɓuse ná kele-ɣele?
kɔlɔi ya zɛɛ ʋaa wo?
Gala daa woo?

GALA KƆLƆI ƔƐ

“Kɛ̀ Gala baa ŋinɛgi ɔ́ numaa yii wuziɣi tiɛ woi nii wo ɔ́ wulo Gala da.”—2 Pite 1:21, Deʋe Niinɛi.

NAA MAWULO-NUMAI È ƲAA MA

Gaa-zaɣa kɛɛ ɓigiitiɛ te maɣaa wotegitiɛ taa è yìila.—Proverbs 2:1-5, NW; Mafiyu 7:7.

Tɛnɛ goi ya ɓɔ è va zaa ŋeteai zu.—2 Temete 3:16.

Kito kpɔɔ-ɓɔɔgi é vile ŋina ŋeteai va.—Loomɛitiɛ 15:4.

Ŋaza nui ɓɔga zunui ta Baaboi lodosu; kaalai nii wuu zu nɛɛvɛ, ta siɛ-ziɛ ma

DAA LA ƁƆƆ GAA NII GALA GƆLƆI BOGA?

Ooi, zaɓu saagɔ ma:

Kɔlɔitiɛ te Gala Kɔlɔi zu. Nu yee naagɔ ɣa é Gala Kɔlɔi wonɛni, tɔwɔ ponɛ ziɛgi leveni ɓalaa kwena 1,600 va. Ponɛ veaitiɛ te ʋikaa tɛ lɛ wɛlɛni ɣii va. Naa ɓalaa ɣɛɛvɛ, te pɛ te woo ɣa nɔ su ɣile. Keela wo ɓi gilaa nɔ ɣa é Gala Kɔlɔi zu.
Gaamai ɣa é Gala Kɔlɔi zu. Gala Kɔlɔi wonɛ veaitiɛ tɔɔ ziɣi pele va gaa te faa yowũ ɣɛ, kɛ̀ Gala boni te ma gaa te faa yowũi naatiɛ wonɛ. Tɛ lɛ te ɣɛɛ ʋai naatiɛ maa lowũni, te tepɛ ponɛni.—Maki 14:50-52.
Daa la gaa nii Gala daa woi zɛni naa luo é bo. Gala Kɔlɔ kwena wũ dɔfelaa yɛni naa luo é bo gaa nui Gala yee ɓadoga bá gaa masa, tɔɔ ka Bɛfelehɛ̃ɛ lai zu é Yudiiya. Tɔwɔ te Ziizɛ ɣaani tai naa zu.—Mafiyu 2:1-6.

Niitiɛ Gala Kɔlɔi te yɛni naa luo é te wo tamaa ɣɛɛ saa è ɣɛ velei Gala Kɔlɔi boni la. È ɣìsu naa laale maa nɛɛ de kwɛ̃ɛ é vile Gala Kɔlɔi va, gaa nii ya bo towaa ɣɛ?—2 Pite 1:21.

ƔÍ GAA-ZIƐ NII MA

Duu kea, duu dee, duu zunu ta duu ŋaza nu

Gala kɔlɔi ɣa ɓɔ è va ɣɛle è yà ŋeteai ɣɛ gaa pagɔ?

Yà gaa-zaɣa kɛɛ naa ɣaa wotegi vɛtɛ Gala Kɔlɔi zu. Tɔ ISAIAH 48:17, 18, New World Translation (NW) taa 2 TEMETE 3:16, 17 zu.