Kele-Ɣele Sɔlɔwo Ga Ya Ɓɔ E Va Folo Nɛpɛ Ya Ŋeteai Zu JW.ORG Ma

Gala Kɔlɔi ɣa de ɣavele ɓɛtɛ ga de yii-lɔɔ faa ɓaagitiɛ wu ya la de ma, ŋetea ɣaa ɓalagi nii zu. (2Tem 3:1, 16, 17) Kɛ tanisu maa nɛɛ de kpɔba maa zɔlɔwo ga velei da tɛnɛgi taniga vɛtɛ la Gala Kɔlɔi zu e vile faa taniga va. Ya ga duu kɛɛ nu yiɛ ɣi-gaa-ziɛ ga velei ya e leaitiɛ wulosu la ga pagɔ? Ya ga nu niinɛ yiɛ leve faa ɓaa su ya yee-la-mai ʋaa ma? E yii ɣa zuulizu ga tei e ŋazai ɔɔ e wɔɔ nu zaa? Ya ki-daa-wodo taniga maa zɔlɔwo jw.org ma kuloai Gala Kɔlɔi zu ya ɓɔ e va fai nii zu e vɛɛ faa lamaa va.—Pr 2:3-6.

Yà liina jw.org ʋãga-wɔlɔi ma, yee ɓado vɛ ponɛi na ga BIBLE TEACHINGS. (Wɛlɛ foote 1 va.) Ya na ɣɛɛna yee ɓado nii va e wõini e faa wɛ̃ɛ e vile ba. Ɔɔ yee ɓado vɛ ponɛi na ga KƆLƆ ƁULUGI > ARTICLE SERIES na ɣa ɣɛɛna yee ɓado nii va e wõini e faa wɛ̃ɛ e vile ba. (Wɛlɛ foote 2 va.) Ya wɛlɛ nii ɣavelei va nɔ JW Wɔlɔ Ɓulugi zu.a Ya vaazu niitiɛ maɣaa-nɛɛ wulozu ya maa woli ani ya liina vɛ ta nɛpɛ te na laa woga. Pele ɓalaa ka wɔnɔ ga, zɛpɛ wũgi e wõini e faa wɛ̃ɛ e vile ba gaa-ziɛ jw.org ma.

Zɛpɛ wũgi niitiɛ wonɛ vɛ nu ɣa woitiɛ ɣaa-ziɛ na, na ɣa ɣɛɛna kɔlɔ zɛvɛi niitiɛ e wõini e dodo yee wo pile te va.

• Velei ya lopaitiɛ lo la

• Zii zuulii ya ɣɛ nu niinɛitiɛ ma

• Ani e wɔɔ nu ɔɔ e ŋazai ɣa zaana