Deʋe nii ya kɛ Ɣi-Zɛsu Ɣaalɛ-Bai ma ziɛgi zu

Kwena nɛpɛ ma, Jehova Na Seeleitiɛ ta ɣɛ na maa wõi-wõi kulozu ga te Ɣi-Zɛsu Ɣaalɛ-Ɓai ɣɛ kii-ma. Ga siɛ siɣi ba ga ge Jehova mama niitiɛ ʋaa ma e kɛɛ ge vɛ Ɣi-Zɛsu Ɣaalɛ-Ɓai ma ziɛgizu. (Ɛfɛ 1:3, 7) Ma wo-kɔ̃ɔ-mai ta ɣa ga, ga ɣaa-ɓaa ga ge numaa lili ga te va gaalɛ-bai nii ʋaa ma. Taniga ta ɓɔɔ ɣavele ɓɛtɛ ga te Gala goo wo ɣalava (lɛɛlɛ) 30 ɔɔ 50 ʋaa ma March ɔɔ April zu. Ya wõi ga e Gala goo wo ga tamaa siɛgi nii zu? Zɛɓɛi ya ɓɔ e va ga e zoo e na ɣɛ?

Ani da siɛ siɣina ba de ɣavele ɓɛtɛ ga pagɔ, da zoo de tii lamaa ɣɛ. (Pr 21:5) Tei Ɣi-Zɛsu Ɣaalɛ-Bai maa lɛ sa wozani, siɛgi ɣaa ga maa nɛɛ de ɣaa ɣavele ɓɛtɛ. Ɣi-gaa-ziɛ ga velei ya ɣaa-ɓaa la Gala goo wo tii zu siɛgi na zu. Yiɛ ɣi-gaa-ziɛ wɔnɔ nii ma ya ɓɔ e va ga e Gala goo wo ga tamaa siɛgi na ma. Jehova ɣaa-zaɣa-kɛ ga e tuuyiɛ loo e ma.—1Jɔ̃ 5:14, 15.

E ɣisu pele ɣa na ya leve la ga e Gala goi wo ga tamaa Ɣi-Zɛsu Ɣaalɛ-Bai ma siɛgi zu?