VELEI MAA NƐƐ KOLAI MAA VEAITIƐ TE TA ŊETEAI ƔƐƐ LA
Ta Tii Ɣɛ Ga Ʋikee Ga Te Ɓɔ A De Va
Saki owɔsiɛitiɛ ɓɔga ta ŋazaitiɛ ta dɛ ɓɔɔ ga wõila ɣa te ya niitiɛ ʋaa ma tiɛ tii ɣɛ te vɛ. E ɣɛ velei nɔ de pɛ de la, ta ɓalaa ta ɓɔlɔ, ŋɛni taniga wõi ɣa ɣɛ te ma, te yii ɣa zuuli na ɣa ɣɛɛna zii-zɛlɛ ka ɣɛ te ma tanisu. (Jĩi 5:17) Na ɓalaa ɣɛɛvɛ, dɔwɔ nɛpɛ ta liina daali ma ma kuuwui ta zu ta te ɣaa yɔwɔ̃tiɛ yii ɣaa wɔpɔ. Ɓɔɔɓɔɔsu, maa nɛɛ de Saki owɔsiɛitiɛ “ziɣi ga numaitiɛ kuloai bu te vɛ ga ɓaa la te ma.”—1Tem 5:17.
Siɛgi ma Pɔɔ deʋeni la ga e li Loomɛ ga e ‘Gala na gaa ɓai na faa nɛi ta ʋe’ de ɣaa yɔwɔ̃itiɛ ya te ɣɛni kuuwui zu, e ɣɛni ná maa-wõi-wõi kulozu ga ta de ɣaa yɔwɔ̃itiɛ ‘tiɛ ɣiini zii lɔ ga ta yee-la-mai’. (Loo 1:11, 12) E ɣi-gaa-ziɛa pelei ta ma ya leve da ga e ya Saki owɔsiɛi ɓɔga ŋazai yii-lɔɔ, ani e ŋaza nu ɣa zeea?
A WƐLƐ ƲILIOGI VA, NII SAKIU OWƆSIƐITIƐ TANIGA TA LEVESU NA ƔA ƔƐƐNA WO GAA-ZAƔA-KƐƐ NIITIƐ ƔAA WOTE:
Pelei taniga ta ga zɛɓɛ saki owɔsiɛitiɛ ɓɔga ta ŋazaitiɛ ta dɛɛ la ga wõila ɣa te ya kuuwui ʋaa ma?
Wõilai e te ya de ʋaa ma, ya wulo zu su-nu-ma ɣɛ le?
Da leve ɣɛ le de te yii-lɔɔ?