KALABO 37

Tɛnɛ Sɛɓɛi Gala Kɔlɔi Fea E Vile Tii Ɓɔga Naʋolo Ʋaa Va?

Printed Edition

E ɣi-gaa-ziɛa dɛ ɓɔɔ e vile tii ɣɛɛ ʋaa ɔɔ naʋolo ʋaa va? Tanisu na ɣa ɓaa ga de de ɓalama ʋaitiɛ ɣaa wuloba na ɣa ɣɛɛna de Jehova yii-mai ɣɛ. Kɛ Gala Kɔlɔi tɛnɛ pagɔ ʋeevɛ ga ya ɓɔ de va.

1. Tɛnɛ sɛɓɛi Gala Kɔlɔi fea e vile tii ɣɛɛ ʋaa va?

Gala wõini de wulo da liitiɛ zu-nu-ma. Gala Kɔlɔi ɣɛ “faa nɛpɛ lɛ vani ɔ leve nii va . . . ga nu na tii ma yii-ma ɣɛɛ wo.” (Ecclesiastes 2:24) Jehova ɣa tii ɣɛ ɓɔɔ ga ʋikee. Ani da vilena na po-kɔ̃ɔ-mai zu diɛ tii ɣɛ ga pagɔ towa kuuzu nɛɛ na ɣa ɣɛɛna da ɓalaa de wuuzu ɣa nɛɛ.

Tii ɣa ɓɔɔ ga faa ɓi, kɛ de mɛlɛ to Jehova ʋeli ʋai luo. (Jɔ̃ 6:27) Jehova de ɣi-togɛ ga ani da feli ʋai lo na faa pɛ tuo towa de ɓalama ʋaitiɛ ɣaa wulo ba.

2. Tɛnɛ sɛɓɛi Gala Kɔlɔi fea e vile naʋolo ʋaa va?

Velei ɓalaa Gala Kɔlɔi boga la ga “naʋoloi ɣa de maazu vɛtɛ,” e de lɛnɛgɛ ga naʋoloi lei nɔ ya va ga kuuzu nɛɛ de wɔ. (Ecclesiastes 7:12) Gala Kɔlɔi de lɛnɛgɛ wɔnɔ ga de ɓɔɔ ɓeteve naʋolo-wõi ʋaa va “nii yá ɣɛ de ya nà de yii la.” (Hiiɓuluitiɛ 13:5 lodo.) Nii ya ɣɛ de ya na ɣa de yii laana zii-zɛlɛ lɛ ɣɛɛ de ma ga de ŋɛni lamaa maa zɔlɔwo. Towa kɛ wɔnɔ kui lɛ lamaga de ma. (Proverbs 22:7) Na ɣa ɣɛɛna dɛ lɛ pele ɣaa-ziɛa ga de ɣɛ ga kpɛtɛ vea kaʋile. Ɔ nɔ ɣɛ ga de wɔ naʋolo ʋaa ma.

3. Da leve ɣɛ le de ɣɛ ga faa-nɛɛ ɣɛɛ vea?

Jehova ɣa ga Galagi nii ya faa-nɛɛ ɣɛ. Manɛɛ de vile na po-kɔ̃ɔ-mai zu de ɣɛ ga ‘faa-nɛɛ ɣɛɛ vea de ɣaazu wodoai.’ (1 Temete 6:18) Da dɛ ga da ga faa-nɛɛ ɣɛɛ vea ani da ɣɛna ɓɔsu kuuwui va diɛ ɓɔ wɔnɔ de ɣaa yɔwɔ̃itiɛ va te kuuwui zu ani ta ɓalana. Jehova lɛ nɔ wɛlɛzu faa-nɛɛ liigoi va da kɛ, kɛ zaɓui e kɛɛ diɛ faa-nɛɛ na ɣɛ. Ani da ɣɛna faa-nɛɛ ɣɛɛzu kuloai de ɣigii zu towa de wuuzu nɛɛ na ɣa ɣɛɛna Jehova yii ɣa la.—Te Ɣɛɛ Ʋaitiɛ 20:35 lodo.

FAA LAMAA MAA WOLI

Nii e de ya towa de yii laana na ɣa ɣɛɛna ani dɛ lɛ tii loni Jehova ʋeli ʋai luo wɛlɛ kulo su-nu-mai va da maa zɔlɔwo.

4. Jehova laa-maa-lɛ ya lii zu

Siɛ-pului e de yɔɔzu da Jehova manɛɛ e faa vɛɛ velei va da ɣi-gaa-ziɛ la e vile tii ɣɛɛ ʋaa va. ƲILIOGI nii lɛ ga. Yá wolona, wo gaa-zaɣa-kɛɛ niitiɛ ɣaa wote.

ƲILIOGI: Jehova Na Tii Ɣɛ Ga Yii Ɣaazɔ (4:39)

Ʋiliogi nii zu, zɛɓɛi ɓɔɔ e e wuuzu nɛɛ e vile velei va Jason ɔ ɣi-gaa-ziɛ la ta velei ɔ luɓo la na tii ɣɛɛ zuvɛ?
Zɛɓɛi e ɓɔni ba ga e Jehova ʋeli ʋai lo na tii luo?

A Kolasaitiɛ 3:23, 24 lodo, wo gaa-zaɣa-kɛɛ nii ɣaa wote:

Velei da ɣi-gaa-ziɛ la e vile tii ɣɛɛ ʋaa va, zɛɓɛi e kɛɛ e ga faa ɓi?

Collage: Zunui nii na tii logɛ Jehova ʋeli ʋai luo. 1. Tɔ tii ɣɛɛzu ofisii zu foloi. 2. Tɔ tii ɣɛɛzu ofisii zu kpɔkɔ. 3. Tɔ tii ɣɛɛzu ga kpidii baitiɛ te zɛga te li. 4. Tɔ sa laa miizu.

Tii ɣa ɓɔɔ ga faa ɓi. Kɛ de mɛlɛ to Jehova ʋeli ʋai luo

Collage: Zunui ɓɔɔ ɣa wɔnɔ e Jehova ʋeli ʋai losu na tii luo. 1. Tɔ tii ɣɛɛzu ofisii zu foloi. 2. E wuloa sa tii ɣɛɛ zuvɛ kpɔkɔ. 3. E yee lɛɛ geezu ga e gaa-zaɣa-kɛɛ ta ɣaa wote gaalɛ-bai zu. 4. Ta laa miizu ta ŋazai e vɛɛ dea felegɔitiɛ va.

5. Nii e de ya ani towa de yii laana, da wulo su-nu-ma

Nu lamaa ta ɣaa-ɓaa ga te naʋolo lamaa zɔlɔwo. Kɛ Gala Kɔlɔi faa ta ɓalaa wogɛ e vile ba. A 1 Temete 6:6-8 lodo, wo gaa-zaɣa-kɛɛ nii ɣaa wote:

Zɛɓɛi Gala Kɔlɔi boga ga de kɛ?

Ani ɓalaa sɔɔla lamaa lɛ de ya da zoo de kuuzu nɛɛ maa zɔlɔwo. ƲILIOGI nii lɛ ga. Yá wolona wo gaa-zaɣa-kɛɛ nii ɣaa wote.

ƲILIOGI: “Nii E E Ya E E Yii-La” (3:20)

Naʋolo lɛ ɣɛni lamani numai niitiɛ ya. Kɛ zɛɓɛi e ɓɔni te va ga te kuuzu nɛɛ zɔlɔwo?

Zɛɓɛi e kɛɛ lɛ vani ga dɔ ɣɛ ga naʋolo-wõi vea? Ziizɛ zaɓui lɛɛvɛ po-kɔ̃ɔ-mai nii zu. A Luki 12:15-21 lodo, wo gaa-zaɣa-kɛɛ nii ɣaa wote:

Zɛɓɛi e maa wolia po-kɔ̃ɔ-mai nii zu Ziizɛ fea?—Wɛlɛ ma woo 15 va.

A Proverbs 10:22 ɓɔga 1 Temete 6:10 lodo, wo gaa-zaɣa-kɛɛ niitiɛ ɣaa wote:

Zɛɓɛi e ɣisu e ga faa ɓi? Ga e ɣɛ ga Jehova na siɛ-pulu ɔɔ ga e naʋolo lamaa maa zɔlɔwo? Zɛɓɛi e kɛɛ yiɛ na wo?
Zɛɓɛi ya ɣɛ ga diɛ ani da ɣɛna ga naʋolo-wõi vea?

6. Jehova ɣa de ɓalama ʋaitiɛ ɣaa wulo ba

Ani tii lɛ de ya ga dɔ kɛ ɔɔ naʋolo lɛ de ya, da zoo de kwɛ̃ɛ ani de yee laavɛ Jehova ma. ƲILIOGI nii lɛ ga wo wɛlɛ nii va ya ɓɔ de va ani fai nii ta ɣa laana de ma. Yá wolona, wo gaa-zaɣa-kɛɛ niitiɛ ɣaa wote.