Kana mu ikutwa kuli ki mina feela ba ba ka piliswa?

Batili. Batu ba bañata-ñata ba ne ba pilile lilimo-limo kwamulaho ili ba ne ba si Lipaki za Jehova ba ka ba ni kolo ya ku piliswa. Bibele i talusa kuli mwa lifasi le li nca la sepisize Mulimu “ku ka ba ni zuho ya ba ba lukile ni ba ba si ka luka.” (Likezo 24:15) Ku tuha fo, batu bañata ba ba pila ka nako ye ba kona ku kalisa ku sebeleza Mulimu, mi ni bona ba ka piliswa. Nihakulicwalo, haki musebezi wa luna wa ku atula ka za haiba mutu u ka piliswa kamba ku tokwa. Musebezi wo, ki wa Jesu.—Joani 5:22, 27.