10 “Bakalonga sanduku wa mutyi wa akashia, maboko* abidi ne kipindi mu bula, kuboko kumo ne kipindi mu bunkimbwa, ne kuboko kumo ne kipindi mu bwimwa.+ 11 Kupwa ukalamika’ko olo yonkayonka.+ Ukeibamba munda ne panja, kadi ukalonga ne kamulomo* ka olo kufulakufula.+ 12 Kupwa ukapunga nzenze iná ya olo ne kwiilamika dya pangala pa maulu andi aná, nzenze ibidi mu lubavu lumo, nzenze ibidi mu lubavu lukwabo. 13 Kadi ukalonga mitembo ya mutyi wa akashia ne kulamika’ko olo.+ 14 Ukatweja mitembo mu nzenze idi mu mbavu ya Sanduku mwa kuselela nayo Sanduku. 15 Mitembo ikekala’nka mu nzenze ya Sanduku; keikatalulwa’mopo.+