14 Penepo walonga bisandi bya myoya ya bambuji bya kupūta pa kipema. Walonga bisandi 11.+ 15 Kisandi ne kisandi kyadi na maboko 30 mu bula ne maboko 4 mu bunkimbwa. Byobya bisandi 11 byadi na bukata bumo. 16 Kupwa walunga bisandi bitano pamo, walunga ne bisandi bisamba bikwabo nabyo pamo. 17 Penepa walonga mankobekelo 50 kufulakufula kwa kisandi kya ku mfulo pokīlungile, walonga ne mankobekelo 50 kufulakufula kwa kisandi kikwabo kilungile nakyo. 18 Kadi walonga ne malobo 50 a mukuba a kulunga nao pema’mba ekale kintu kimo.