23 “Lombola Alone ne bandi bana’mba, ‘E namino’u momukeselela+ bantu ba Isalela. Mwibanenei amba:

24 “Yehova akwesele dyese+ kadi akulame.

25 Yehova eñenye mpala yandi podi,+ kadi akutōkelwe mutyima.

26 Yehova abandwile mpala yandi kodi kadi akupe ne ndoe.”’+

27 Bafwaninwe kutūla dijina dyami pa bantu ba Isalela,+ amba nebesele dyese.”+

8 “Mu kine kitatyi’kya Yehova wapandula kisaka kya Levi+ mwanda wa kusela sanduku wa kipwano kya Yehova,+ kwimana ku meso a Yehova mwanda wa kumwingidila, ne kwesela bantu mu dyandi dijina,+ na mobalongela dyalelo.

5 “Kadi babitobo, bene Levi, bakafwena mwanda Yehova Leza obe webatongele bamwingidile,+ ne kwesela bantu madyese mu dijina dya Yehova.+ Bakalombola mwa kupwijija lupata lonso lwa myanda ya lūma.+

13 Bana ba Amalama i Alone+ ne Mosesa.+ Ino Alone watūdilwe lonso pafula+ mwanda wa kupandula Kijila Nakampata, aye ne bandi bana, mwanda wa kulambula bitapwa ku meso a Yehova, kumwingidila, ne kwesela bantu madyese mu dijina dyandi nyeke ne nyeke.+