27 Kadi bene Ngelashona+ ba mu mafu a bene Levi bapelwe mu kipindi kya kisaka kya Manase kibundi kya kunyemena’mo ntapañani, ko kunena’mba Ngolane+ mu Bashane ne madyo andi, ne Beeshetela ne madyo andi—bibundi bibidi.

28 Mu kisaka kya Isakala+ namo: Kishione ne madyo andi, Dabelate+ ne madyo andi, 29 Yalemute ne madyo andi, ne Ene-Nganime ne madyo andi—bibundi biná.

30 Mu kisaka kya Ashela+ namo: Mishale ne madyo andi, Abedone ne madyo andi, 31 Helakate+ ne madyo andi, ne Lehobe+ ne madyo andi—bibundi biná.

32 Mu kisaka kya Nafatale namo: kibundi kya kunyemena’mo+ ntapañani, ko kunena’mba Kedesha+ mu Ngadilea ne madyo andi, Hamota-Dole ne madyo andi, ne Kalatane ne madyo andi—bibundi bisatu.

33 Bibundi byonso bya bene Ngelashona mungya mafu abo byadi bibundi 13 ne madyo abyo.