61 Kadi bano’ba bo batambile ku Tele-Mela, Tele-Halusha, Kelube, Adone, ne Imele, inoko bakomenwe kujingulula njibo ya bashabo ne kobatambile, shi badi bene Isalela:+ 62 bana ba Delaya, bana ba Tobia, bana ba Nekoda 642. 63 Ku babitobo nako: bana ba Habaia, bana ba Hakoze,+ bana ba Balezilai, wasongele mukaji mu bana ba Balezilai+ mwine Ngileade, kaityilwa pa dyabo dijina. 64 Bano’ba bakimbile bilembwa bya majina abo mwanda wa kuyuka musuku wabo, ino kebebimwenepo, penepo batalulwa mu butobo.*+ 65 Mbikavu*+ webalombola’mba kebafwaninwepo kudya bintu bijila nakampata+ kufika ne byokwikala kitobo wa kwipangula Udimi ne Tumimi.+