10 Le kumusailepo lusao+ lwa kumukinga aye ne njibo yandi ne bintu byonso byadi nabyo? Ubaesela mingilo ya makasa andi,+ kadi bimunanwa byandi nabyo bibasambakana pa ntanda. 11 Nanshi olola kuboko kobe ukupile bintu byonso byadi nabyo, na bubine ukakufinga ku mpala yobe.” 12 Penepo Yehova wanena Satana amba: “Tala! Bintu byonso byadi nabyo bidi mu kuboko kobe.* Ino enka muntu mwine kokamutenteka kuboko kobe!” Ebiya Satana wataluka ku meso* a Yehova.+