Watchtower KIBĪKO PA ENTELENETE

2 Balopwe 21:16

Bisonekwa Bijila—Bwalamuni bwa Ntanda Mipya
- 16 Kadi Manase wamwangile mashi mangi mpata a kubulwa mambo enka ne byaayujije Yelusalema tamba ku mfulo imo kutūla ne ku mikwabo,+ kutalula’mo bidi bubi bwandi bwaalongeje Yuda pa kulonga bibi ku meso a Yehova.

Isaya 59:7

Bisonekwa Bijila—Bwalamuni bwa Ntanda Mipya
- 7 Maulu abo anyemenanga ku kulonga bibi,
  Kadi bapēlakenanga ku kumwanga mashi ambulwa mambo.+
  
  Milangwe yabo i milangwe mibi;
  Musala ne bumonya-malwa bidi mu mashinda abo.+

Yelemia 2:34

Bisonekwa Bijila—Bwalamuni bwa Ntanda Mipya
- 34 Enka ne kunshi kwa kivwalwa kyobe i kulambakane mashi a balanda* bampikwa mambo,+
  Nansha byonkyeatenepo pobadi batūta njibo;
  Adi kunshi konso kwa kivwalwa kyobe.+

Madilo 4:13

Bisonekwa Bijila—Bwalamuni bwa Ntanda Mipya
- 13 I pa mwanda wa bubi bwa bapolofeto bandi ne bilubo bya babitobo bandi,+
  Bamwangile mashi a bantu boloke mu bukata mwandi.+

Mateo 23:34, 35

Bisonekwa Bijila—Bwalamuni bwa Ntanda Mipya
- 34 O mwanda, nsa kwimutumina bapolofeto+ ne ba tunangu ne bafundiji ba bantu.+ Bamo mukebepaya+ ne kwibapopa ku mityi, bakwabo nabo mukebakupila nsonde+ mu mashinankonka enu ne kwibapangapanga,+ mwadi mu kyoki kibundi ke mu kyoki, 35 amba mulambikwe mashi a boloke bonso amwangilwe pano pa ntanda, tamba pa mashi a Abele+ moloke kufika ne ku mashi a Zekadia mwanā Balakia, omwāipaile pa bukata bwa kipandulwe ne kisōkelo.+