Watchtower KIBĪKO PA ENTELENETE

Watchtower KIBĪKO PA ENTELENETE

KIBĪKO PA ENTELENETE

Ngalwilo 27:41, 42

Bisonekwa Bijila—Bwalamuni bwa Ntanda Mipya
- 41 Inoko, Esau wālamina Yakoba kīji pa mwanda wa dyese dyāmwesele shandi,+ kadi Esau wādi unenanga mu mutyima wandi amba: “Mafuku a kudila tata abafwena pabwipi.+ Kupwa nkepaya mwanetu Yakoba.” 42 Lebeka pa kulombolwa binenwa bya wandi mwana mukulu Esau, ponkapo wāityija Yakoba wandi mwana nkasa kamunena’mba: “Umwene! Mwanenu Esau yeu ukanina kukwipaya mwanda wa kulubula kinongo.*

Umbadilo 20:20, 21

Bisonekwa Bijila—Bwalamuni bwa Ntanda Mipya
- 20 Aye webatentulula’mba: “Kemubwanyapo kupityila’mo.”+ Ebiya Edoma watamba kukamusambakana na bantu bavule ne kibumbo* kikomo kya divita. 21 Penepo Edoma wapela Isalela kupityila mu yandi ntanda; o mwanda Isalela wamusāsukile.+

Lwimbo lwa Mitōto 83:4-6

Bisonekwa Bijila—Bwalamuni bwa Ntanda Mipya
- 4 Kebanena’mba: “Iyai, tutukije muzo wabo fututu,+
  Kutyina’mba dijina dya Isalela dyakavulukwa dikwabo.”
  
  5 Abakale ñeni umbumo;*
  Abasamba kipwano kya* kulwa nobe+—
  6 Mapema a Edoma ne bene Ishemele, Moabu+ ne bene Hakala,+

Lwimbo lwa Mitōto 137:7

Bisonekwa Bijila—Bwalamuni bwa Ntanda Mipya
- 7 A Yehova, vuluka
  Byanenene bene Edoma difuku dyaponene Yelusalema amba:
  
  “Mutūtei! Mutūtei kufika ne ku byalwilo byandi!”+

Yoela 3:19

Bisonekwa Bijila—Bwalamuni bwa Ntanda Mipya
- 19 Ino Edipito ukasalwa,+
  Edoma nandi ukekala ke mu ntanda mutuputupu musalwe,+
  Pa mwanda wa lūma lobalwile bantu ba Yuda,+
  Benē ntanda mobamwangile mashi ampikwa mambo.+

Amose 1:11

Bisonekwa Bijila—Bwalamuni bwa Ntanda Mipya
- 11 Yehova wanena namino amba,
  ‘Pa mwanda wa butomboki busatu bwa Edoma,+ ne pa mwanda wa butomboki buná, ami nkikashinta’byopo,
  Mwanda walondelelondele mwanabo na kipete,+
  Kadi mwanda wapelele kumufwila lusa;
  Wibasasamunanga na bulobo pampikwa kukōka,
  Kadi wibakalabelanga kyaba kyonso.+