Kusokwelwa Kudi Yoano

15 Kadi namwene mūlu kiyukeno kikwabo, kikatampe kadi kya kutendelwa, bamwikeulu basamba-babidi+ ba mpupo isamba-ibidi. Ino’i yo ya mfulo, mwanda ayo yo ikafikija bulobo bwa Leza ku mfulo.+

2 Kadi namwene kintu kidi pamo bwa dijiba dya dikalashi+ disambakanye na mudilo, kadi boba banekenye+ kinyema kya ntanda ne kyelekejo+ kyakyo ne kibalwa kya dijina+ dyakyo badi bemene dya ku dijiba dya dikalashi’dya, bakwete nsense ya Leza. 3 Badi bemba lwimbo lwa Mosesa+ umpika wa Leza ne lwimbo lwa Kana ka Mukōko,+ amba:

“Mingilo yobe i mikatampe ne ya kutendelwa,+ a Yehova* Leza, Mwinē Bukomo Bonso.+ Mashinda obe i moloke kadi a bine,+ abe Mulopwe wa nyeke ne nyeke.+ 4 Le i ani le kakakutyinapo binebine, abe Yehova,* ne kutumbija dijina dyobe?+ Mwanda abewa bunka bobe ye wa lulamato! Ke-mintu mizo yonso ikāya kodi ne kutōta ku meso obe,+ mwanda mbila yobe myoloke ibasokolwa.”

5 Bino’bi pa kupita’po namwene, kipandulwe kya pema wa bukamoni+ kyashitulwa mūlu,+ 6 ne bamwikeulu basamba-babidi ba mpupo isamba-ibidi+ balupuka mu kipandulwe, bavwele bya bukonge bitōka tō, bikelema ne nkuka ya olo mikute mu byadi byabo. 7 Umo wa mu bipangwa byūmi biná wapa bamwikeulu basamba-babidi’ba ngeso ya olo miyule’mo bulobo bwa Leza,+ yewa mūmi nyeke ne nyekeke. 8 Kadi kipandulwe kyayula mwishi bā mwanda wa ntumbo ya Leza+ ne mwanda wa bukomo bwandi, kadi i kutupu muntu wadi ubwanya kutwela mu kipandulwe kufika’nka ne byapwile mpupo isamba-ibidi+ ya bamwikeulu basamba-babidi.