Ñimbo ya Mitōto

105 Fwijai’ko Yehova,+ itai dijina dyandi,

Yukanyai bilongwa byandi mu bantu!+

 2 Mwimbilei, mwimbilei mitendelo,*

Langulukilai* pa mingilo yandi yonso ya kutendelwa.+

 5 Vulukai mingilo ya kutendelwa yalongele,

Bingelengele byandi ne butyibi bwatyibile,+

 6 Banwe lutundu* lwa Abalahama mwingidi wandi,+

Banwe bana ba Yakoba, batongwe bandi.+

 8 Uvulukanga kipwano kyandi nyeke,+

Mulao waālaile,* ku nkongo kanunu,+

 9 Kipwano kyaāsambile na Abalahama,+

Ne mutyipo waātyipīle Izake,+

10 Mwine waātūdile bu lubila kudi Yakoba

Ne bu kipwano kya myaka na myaka kudi Isalela,

11 Amba, “Nkakupa ntanda ya Kenani+

Ke bupyani bukupyanikilwe.”+

12 Kino kyālongekele pobādi bakidi butyetye,+

Bine, butyetye bininge, kadi bādi beni mu ntanda’ya.+

13 Bādi basanka ku ou muzo ke ku ou muzo,

Ku bobu bulopwe ke ku bantu bakwabo.+

14 Kālekelepo muntu nansha umo ebamweshe malwa,+

Ino wādingile balopwe pa mwanda wabo,+

15 Amba, “Kemukitengai bashingwe māni bami,

Kadi kemukilongai bapolofeto bami kibi nansha kimo.”+

16 Wāletele kipupo kya nzala mu ntanda’ya;+

Wātalula kibīko kyabo kya mikate.*

17 Wātuma muntu umo ku meso abo

Wāpotolojibwe bu umpika, Yosefa.+

18 Bākuta* maulu andi na nkano,+

Nshingo yandi yaelwa mu byuma;*

19 Kufika ne byāfikidile kinenwa kyandi,+

Binenwa bya Yehova byo byāmutōkeje.

20 Mulopwe wātumanya bamukutulule,+

Muledi wa bantu wāmulekelela.

21 Wāmutūla bu mfumu wa ba mu njibo yandi,

Muledi pa bintu byandi byonso,+

22 Amba ekale na lupusa pa* bamfumu bandi monso mwasakila*

Ne kufundija bakulumpe bandi tunangu.+

23 Penepo Isalela wāiya mu Edipito,+

Kadi Yakoba wāshikata bu mweni mu ntanda ya Hama.

24 Leza wāvudija bantu bandi bininge;+

Wēbakomeja kupita balwana nabo,+

25 Wāleka mityima yabo ishinte keishikwe bantu bandi,

Amba bakutyile bengidi bandi kitumba.+

26 Wātuma mwingidi wandi Mosesa,+

Ne Alone,+ waātongele.

27 Bālonga biyukeno byandi mu bukata mwabo,

Bingelengele byandi mu ntanda ya Hama.+

28 Wātuma fukutu, ntanda nayo yafīta fututu;+

Kebāfutulwilepo binenwa byandi.

29 Waālamuna mema abo ke mashi

Wāipaya mwita wabo.+

30 Ntanda yabo yasambakana byula,+

Enka ne mu byumba bya mulopwe bine.

31 Wāsoñanya mpekepeke yandabile

Ne tumwe mu matanda abo onso.+

32 Waālamuna mvula wabo ke mvula wa mabwe

Wātuma mapeni* pa ntanda yabo.+

33 Wākupila mañanza abo ne bikuyu byabo

Ne kutyumuna mityi ya mu ntanda yabo.

34 Wānena’mba njie ikandabila,

Njie myana keibadika.+

35 Yādya munamuna yonso ya mu ntanda’ya,

Yādya ne bipa bya nshi.

36 Kupwa wāipaya umbedi ense mu ntanda yabo,+

Ngalwilo ya bukomo bwabo bwa lubutulo.

37 Wātambija bantu bandi na ndalama ne olo;+

I kutupu nansha umo mu bisaka byandi wākukele.

38 Edipito wāsangala pobatambile,

Mwanda kityino kya Isalela* kyebāponene.+

39 Wābāla dikumbi mwanda wa kwibakinga+

Ne mudilo wa kwibamunikila bufuku.+

40 Bālomba, nandi wāleta bisesekwadi;+

Wādi wibekutyija mikate ya mūlu.+

41 Wāshitula dibwe, mema atamba;+

Ākuka mu ntanda mutuputupu pamo bwa munonga.+

43 Penepo wātambija bantu bandi na kusepelela,+

Batongwe bandi na nsadi ya tusepo.

44 Wēbapa matanda a mizo;+

Bāpyana byobya byāsusukīle bantu bakwabo pa kwibimona,+

45 Amba balame mbila yandi+

Ne kulonda bijila byandi.