Ñimbo ya Mitōto
94 A Leza wa kinongo, Yehova,+
A Leza wa kinongo, eñenya!
2 Imana, a Mutyibi wa ntanda.+
Lubwila ba kwizunzula kyokya kyobafwaninwe.+
3 I kufika ne kitatyi’ka, a Yehova,
I kufika ne kitatyi’ka kikendelela kusepelela babi?+
4 Babotakanyanga ne kwisamba bya kibengo;
Banonga-bibi bonso beanyanga.
5 Basonsakanya bantu bobe, a Yehova,+
Kadi bamwesha malwa bupyani bobe.
6 Bepaya mukaji wa kishala ne mweni wa kibundi,
Kadi bepaya ne bana bampikwa bashabo.
8 Ivwanai kino, banwe kebalañangapo;
Banwe balembakane, i kitatyi’ka kyomukekala na bujinguludi?+
9 Yewa mwine walongele* kutwi, le atunye kwivwana?
Yewa mwine wapungile diso, le atunye kumona?+
10 Yewa mwine ōlola mizo, le atunye kudingila?+
I Aye upanga bantu buyuki!+
11 Yehova uyukile milangwe ya bantu,
Amba i umpuya wa bituputupu.+
12 Wa nsangaji i yewa muntu oolola, a Yah,+
Yewa ofundija bijila byobe,+
13 Amba umupe mutyima-ntenke mu mafuku a kyamalwa,
Kufika ne bikolwa kīna kya mubi.+
15 Mwanda butyibi bukekala monka boloke,
Kadi bonso boloke swā mu mutyima bakebulondanga.
16 Lelo i ani ukemana kundwila na babi?
Lelo i ani ukangitabila pa kulwa na banonga-bibi?
18 Ponanenene amba: “Kulu kwami kubashetemuka,”
Buswe bobe bwa ndamatyidile, abe Yehova, bwaunkweshe.+
20 Lelo lupona* lwa bubi lubwanya kupwana nobe
Alo koku lukanina kuleta makambakano mu dijina dya bijila?*+
23 Ukebalubwila bilongwa byabo bibi.+
Ukebafundula’ko* na bubi bwa abo bene.