Yoba
10 “Ami nakwatwa būmi bwami mukenye.*+
Nsa kunena patōka mitompwe yami.
Nsa kwisamba mu tusua twami tulula bululu!*
2 Nsa kunena Leza amba: ‘Kokimponeja.
Nombole kine kyolwila nami i kika.
3 Le umwenanga mu kumwesha malwa,
Mu kufutulula mwingilo wa makasa obe+
Koku utōkelwa mutyima madingi a babi?
4 Le abe udi na meso a ngitu’ni,
Nansha umonanga mumwenanga muntu wa kufwa?
5 Le mafuku obe adi bwa mafuku a bantu ba kufwa’ni,
Nansha myaka yobe le idi bwa ya muntu,+
6 Amba ukimbekimbe kilubo kyami
Ne kukimba’nka kukimba bubi bwami?+
8 Maboko obe o amumbile ne kunonga,+
Ino pano kouñonakanya fututu.
10 Le kwaumpungulwilepo pamo bwa mabele
Ne kunkwatyija pamo bwa mukama wa mabele?
11 Waumvwikile kikoba ne ngitu,
Kadi wanungile pamo na mikupa ne mijilo.+
13 Ino wadi usaka mu bufyafya kulonga bino bintu.*
Ndyukile amba bino bintu bitambanga kodi.
14 Shi nalongele bubi, wadi wa kumona,+
Kwadipo wa kumingija pa kilubo kyami.
15 Shi ne mupye mambo, nankyo malwa ami!
Kadi nansha shi nkidipo na mambo, nkibwanyapo kutulula mutwe wami,+
Mwanda nayulwa kafutululo ne malwa.+
16 Shi natulula mutwe wami, umpoyanga pamo bwa ntambo+
Ne kulombola monka bukomo bobe pondi.
17 Undetelanga batumoni bapya pondi
Ne kuvudija bulobo bobe pondi,
Pamfikila masusu āya epingakana.
18 Penepo i kika kyowantambijije mu ndá?+
Nadi wa kufwa kumeso kwa kumonwa na diso nansha dimo.
19 Longa naikele pamo bwa ami kaikele’ko kashā;
Nadi wa kutamba mu ndá ne kupityidila ku kibundu.’