Ñimbo ya Mitōto

43 A Leza, ntyibile mambo,+

Nenene mu kisambo+ kyami na muzo wampikwa lulamato.

Nkūle kudi muntu wa bongojani kadi mukondame.

2 Mwanda abe wi Leza wami, nsakwa yami mikomo.+

Mwanda waka ubangela?

Mwanda waka ñendakana bya bulanda pa mwanda wa malwa amwesha walwana nami?+

3 Tuma kitōkeji kyobe ne bubine bobe.+

Bino’bi biñendeje;+

Bindudikile ku lūlu lobe lujila ne ku kipema kyobe kikatampe.+

4 Penepo nkāya ku kisōkelo kya Leza,+

Kudi Leza, nsangaji yami mikatampe.

Kadi nkakutendelanga na lunsense,+ abe Leza, Leza wami.

5 Mwanda waka ne* mutyumukwe mutyima?

Mwanda waka lupotopoto ludi munda mwami?

Tengela Leza,+

Mwanda nkamutendelanga bu wami Umpandiji Mukatakata ne Leza wami.+