Hosea
A njibo ya Isalela tá mutyima,
A njibo ya mulopwe tejai,
Mwanda butyibi bwimutalanga;
Mwanda banwe mwi kidiba ku Mizipa
Kadi mwi bukonde butelwe pa Tabola.+
3 Ndyukile Efelaimi,
Kadi Isalela kamfilwepo.
4 Bilongwa byabo kebibalengejangapo bajokele kudi Leza wabo,
Mwanda mu bukata mwabo mudi mushipiditu wa busekese;*+
Kadi kebayukilepo Yehova.
5 Mitatulo ya Isalela ibaleta bukamoni pādi;*+
Isalela ne Efelaimi abakukala bonso mu kilubo kyabo,
Yuda nandi wakukala pamo nabo.+
6 Baendele kukakimba Yehova na mikōko yabo ne bañombe babo,
Ino kebamutenepo.
Aye webasonsolokēle kulampe.+
7 Abadimbe Yehova,+
Mwanda ababutula bana beni.
Pano kweji usa kwibabokota* ne bipindi byabo bine.*
8 Vumijai lusengo+ mu Ngibea, ne kimpungidi mu Lama!+
Elai lwanji lwa divita ku Bete-Avena+—kunyuma kobe, a Benjemani!
9 A Efelaimi, ukekala kintu kya nzuba mu difuku dya mfuto.+
Nayukanya kyokya kine kikalongeka mu bisaka bya Isalela.
10 Bamfumu ba Yuda badi pamo bwa boba batundulula mukalo.+
Nkebapungulwila bukalabale bwami pamo bwa mema.
11 Efelaimi wamweshibwa malwa, wavingakanibwa na butyibi,
Mwanda wadi musumininwe kulonda walwana nandi.+
12 O mwanda nadi pamo bwa kīshi kudi Efelaimi
Ne pamo bwa bubole ku njibo ya Yuda.
13 Efelaimi pawamwene misongo yandi, Yuda nandi kilonda kyandi,
Efelaimi waendele ku Ashidia+ ne kutumanya kudi mulopwe mukatampe.
Ino aye kabwenyepo kwimundapa,
Kadi kabwenyepo kubelula kilonda kyenu.
14 Mwanda nkekala pamo bwa ntambo mwana kudi Efelaimi,
Ne pamo bwa ntambo* mukomokomo ku njibo ya Yuda.
15 Nkenda ne kujokela ku kifuko kyami, kufika ne byobangula bipa bilupuka ku mambo abo,
Kitatyi kyobadi mu tusua, bakankimba.”+