Ñimbo ya Mitōto
Kudi mukulu wa bañomba; pa Ngityite.* Lwimbo lwa bana ba Kola.+
Mutyima wami ne ngitu yami byelanga nsadi ya tusepo kudi Leza mūmi.
3 Enka ne kyoni kibasokola’mo kīkalo
Ne kamimbi nako bunswa bwako,
Mokalama twana twako
Kubwipi na kisōkelo kyobe kikatampe, abe Yehova wa bibumbo,
Mulopwe wami ne Leza wami!
4 Ba nsangaji i boba bekele mu njibo yobe!+
Bakutendelanga nyeke.+ (Sela)
5 Ba nsangaji i bantu bamwena bukomo modi,+
Ba mityima idi mu mashinda makatakata.
6 Pobapita mu Musanza wa Baka,*
Bewalamunanga ke kifuko kya masulo a mema;
Kadi mvula mubajinji wiuvwikanga* madyese.
7 Bakenda ino bukomo bwabo kutyepa mpika;+
Muntu ne muntu umweka ku meso a Leza mu Ziona.
8 A Yehova Leza wa bibumbo, ivwana milombelo yami;
Teja’po, a Leza wa Yakoba. (Sela)
10 Mwanda difuku dimo mu bipango byobe i diyampe kutabuka mafuku kanunu kungi!+
Natonge kwimana pa lukala lwa pa kibelo kya njibo ya Leza wami
Pa kyaba kya kwikala mu mapema a bubi.
Yehova kakasuminwapo kintu kiyampe nansha kimo
Boba banangila mu bululame.+
12 A Yehova wa bibumbo,
Wa nsangaji i muntu ukukulupile.+