Kupituluka mu Bijila
9 “A Isalela, ivwana, dyalelo dino’di usa kwabuka Yodano+ utwele ne kupanga mizo mikatampe kadi mikomo kukupita,+ bibundi bikatampe kadi bikomejibwe kufika ne mūlu,*+ 2 bantu bakatampe kadi balampe, bana ba bene Anaki+ boyukile kadi boivwananga banena’mba, ‘I ani le ubwanya kukomena bana ba Anaki?’ 3 O mwanda ufwaninwe kuyuka dyalelo dino amba Yehova Leza obe ukabuka ku meso obe.+ Aye i mudilo uloteja,+ kadi ukebatukija fututu. Ukebanekenya ku meso obe amba wibapinge* bukidibukidi ne kwibonakanya monka mwakulaile’kyo Yehova.+
4 Shi Yehova Leza obe webapinga ku meso obe, kokanena mu mutyima obe amba, ‘I pa mwanda wa boloke bwami bwauntwejeje Yehova mu ino ntanda neiyate ke yami.’+ Ino i pa mwanda wa bubi bwa ino mizo+ bwibapangila Yehova ku meso obe. 5 Ke pa mwandapo wa boloke bobe nansha koloka kwa mutyima obe kokatwelela mu ntanda yabo ne kwiiyata ke yobe. Ino i pa mwanda wa bubi bwa ino mizo bwibapangila Yehova Leza obe ku meso obe+ ne mwanda wa kufikidija kinenwa kyatyipile Yehova kudi bakulutuba bobe, Abalahama,+ Izake,+ ne Yakoba.+ 6 Nanshi, yuka’mba ke pa mwandapo wa boloke bobe bukupēla Yehova Leza obe ino ntanda miyampe wiiyate ke yobe, ke-pantu mwi bantu ba mitwe myūmu.*+
7 Vuluka—kokelwa nansha dimo—muswelo owakolomwene Yehova Leza obe mu ntanda mutuputupu.+ Tamba difuku dyomwatambile mu ntanda ya Edipito kufika ne byomwaile mu kino kifuko, mutombokelanga Yehova.+ 8 Nansha ke mu Holeba mwakolomwene’mo Yehova, ebiya Yehova nandi wemulobela kasake kwimutukija fututu.+ 9 Ponakandile ku lūlu kukatambula bipāpo bya mabwe,+ bipāpo bya kipwano kyasambile nenu Yehova,+ nalongele mafuku 40 ku lūlu dyuba ne bufuku,+ pampikwa kudya byakudya nansha kutoma mema. 10 Penepo Yehova waumpa bipāpo bibidi bya mabwe bilembe’po na munwe wa Leza, kadi padi binenwa byonso byesambile nenu Yehova pa lūlu mu mudilo mu difuku dya kitango.*+ 11 Ku mfulo kwa mafuku 40 dyuba ne bufuku, Yehova waumpa bipāpo bibidi bya mabwe, bipāpo bya kipwano, 12 kadi Yehova waunena’mba, ‘Imana, tūka bukidibukidi, mwanda bantu bobe bowatambije mu Edipito abalonga bya kiboja.+ Abasāsuka bukidibukidi mu dishinda dyonebasoñenye kulonda. Abelongela nkishi wa kyuma.’*+ 13 Penepo Yehova waunena amba, ‘Namone bano bantu, kadi tala! i bantu ba mitwe myūmu.*+ 14 Ndeke bidi, nsa kwibatukija fututu ne kujimankanya dijina dyabo munshi mwa diulu, nkwalamune abewa kodi muzo wibatabukile bukomo ne bungi.’+
15 “Kupwa naalamuka kentūka ku lūlu, papo lūlu lutēma mudilo,+ kadi bipāpo bibidi bya kipwano byadi mu maboko ami abidi.+ 16 Na’mba ntale nemumona mulonga bubi ku meso a Yehova Leza wenu! Mwelongēle kyāna kya ñombe kya kyuma.* Mwasāsukile bukidibukidi mu dishinda dyemusoñenye Yehova kulonda.+ 17 Penepo nayata bipāpo bibidi nebyela panshi na makasa ami abidi, nebivingakanya ku meso enu.+ 18 Ebiya nevukwila ku meso a Yehova, enka na musunsa mubajinji, mafuku 40 dyuba ne bufuku. Nkyadilepo byakudya nansha kutoma mema,+ mwanda wa bubi bonso bomwalongele banwe pa kulonga bibibibi ku meso a Yehova ne kumusanshija. 19 Ke-pantu nakwetwe moyo pa mwanda wa bulobo bukatampe bwemulobēle Yehova,+ mwanda wadi kasake kwimutukija fututu. Inoko Yehova wangivwene ne pano pene.+
20 “Yehova walobēle Alone bininge kasake kumwipaya,+ ino ne pano pene nazenza pa mwanda wa Alone. 21 Penepo nayata kintu kya bubi kyomwalongele, ke kyana kya ñombe+ kadi, nekisōka mu mudilo; nekivingakanya ne kwikitwa kyapēla pamo bwa luvumbi, ebiya naela luvumbi’lwa mu kamunonga katamba mu lūlu.+
22 “Kadi mwakolomwene bulobo bwa Yehova ne ku Tabela,+ ku Masa,+ ne ku Kibilota-Tava.+ 23 Pemutumine Yehova kutamba ku Kadesha-Balenea+ wemunenene amba, ‘Kandai muyate ntanda yonsa kwimupa binebine!’ mwatombokēle monka musoñanya wa Yehova Leza wenu,+ kadi kemwalombwelepo lwitabijo+ mwadi nansha kumukōkela. 24 Kashā nemuyuka, banwe mutombokelanga nyeke Yehova.
25 “Penepo nadi nevukwila’nka kwivukwila ku meso a Yehova mafuku 40 dyuba ne bufuku,+ nevukwidile uno muswelo mwanda Yehova wanenene amba usaka kwimutukija fututu. 26 Nashilula kuzenza Yehova kenena’mba, ‘A Mfumu Mwinē Lupusa Lonso Yehova, kokasala bantu bobe. Abo i bantu bobe-bobē,*+ bowakūdile na bukatampe bobe, webatambija mu Edipito na kuboko kwa bukomo.+ 27 Vuluka bengidi bobe, Abalahama, Izake, ne Yakoba.+ Kokata mutyima ku mutwe mūmu wa bano bantu, ku mutyima mubi wabo ne ku bubi bwabo.+ 28 Shi bitupu bantu ba mu ntanda yowitutweja’mo bakanena’mba: “Yehova kabwenyepo kwibatweja mu ntanda yawebalaile, kadi webatambije mwanda wa kwibepaya mu ntanda mutuputupu ke-pantu i mwibashikwe.”+ 29 Mwanda i bantu bobe, bobe-bobē,*+ bowatambije na bukomo bobe bukatampe ne na kuboko kobe kōlole.’+