Yoba
17 “Mushipiditu wami ubatyumunwa, mafuku ami abapu;
Kabudi kantengele.+
3 Nakwisāshila itabija kyeya kyami, kadi wikilame.
Le i ani mukwabo ukekunka nami mu makasa ne kwikala bu kyeya pa mwanda wami?+
4 Mwanda ubafi mutyima wabo kusansanya;+
O mwanda kwibazunzwilepo.
5 Aye ubwanya kwiabila bintu na balunda nandi,
Papo meso a bandi bana kumona biyampe mpika.
6 Waunonga bu kintu kya kuzobejibwa* mu bukata mwa bantu,+
Amba ngikale muntu obapēlela mata mu mpala.+
7 Meso ami keabumbudima malwa,+
Kadi bidyoma byami byonso ke munjiñininya onka.
8 Bantu boloke swā babambile’ko meso sō batulumuka,
Kadi muntu wampikwa mambo uvutakanibwa pa mwanda wa muntu wampikwa Leza.*
10 Inoko, banwe bonso iyai mulunguluke na lupata lwenu,
Mwanda nkitenepo momudi muntu wa tunangu nansha umo.+
12 Balamunanga bufuku ke dyuba,
Banena’mba, ‘Kitōkeji kifwaninwe kwikala pabwipi mwanda kubafīta.’
14 Nketa kīna*+ amba, ‘Abe wi tata!’
Kivinyu nakyo amba, ‘Wi mama kadi wi mwanetu mwana-mukaji!’
15 Le penepo lukulupilo lwami ludi kwepi?+
Le i ani ubwanya kumwena ami lukulupilo?