Kupituluka mu Bijila
32 “A madiulu, ntei kutwi, nami nkesamba,
Ntanda nayo ivwane binenwa bya kyakanwa kyami.
2 Bulombodi bwami bukanoka bwa mvula;
Binenwa byami bikasūma bwa lumé,
Bwa mvula mutyemutye pa biyombo
Ne bwa munoko mukatampe pa munamuna.
3 Mwanda nkasapula dijina dya Yehova.+
Kunena bukatampe bwa Leza wetu!+
5 Abo bo balongele bya kiboja.+
Ke bandi banapo, kilubo i kyabo abo bene.+
I lukongo lukondame kadi lunyengakane!+
Mwene aye ye Shenu wemwikadije’ko,+
Mwine wemulongele ne kwimukomeja pototo?
7 Vulukai mafuku a kala;
Langai myaka ya nkongo ya kunyuma.
Ipangulai shenu, ubwanya kwimusapwila;+
Bakulumpe benu, nabo bakemulombola.
8 Mwine wa Peulu Mwine paapele mizo bupyani bwayo,+
Paakalañenye bana ba Adama* umo ku mukwabo,+
Watūdile mikalo ya bantu+
Mwendele bungi bwa bana ba Isalela.+
11 Pamo bwa mukebo ujinya bunswa bwao,
Ulelemba pangala pa twana twao,
Ubāla mapapa ao, wetuyata,
Wetusela pa mapapwa ao,+
12 Yehova bunka bwandi wadi umutangidile;*+
I kutupu leza ungi nansha umo wadi nandi.+
Wamudishishe būki bwa mu kidibwe
Ne māni a mu dibwe dikomo,
14 Buleba bwa bañombe ne mabele a luombe,
Pamo ne mikōko miyampe kutabuka,*
Ne mikōko milume ya Bashane, ne bambuji balume,
Kadi watomene vinyu ya mashi* a mañanza.
15 Yeshulune* pa kununa, wasobwele maulu na butomboki.
Abe wanunine, wabaile, wayudile.+
Penepa waela Leza, mwine wamulongele,+
Ne kufutulula Dibwe dya lupandilo lwandi.
17 Badi balambula bitapwa ku bandemona, ke kudi Lezapo,+
Ku baleza bokebadipo bayukile,
Bapya baile panopano,
Ku baleza kebadipo bayukile bakulutuba benu.
19 Yehova pa kumona’kyo, webapela+
Mwanda bandi bana bana-balume ne bana-bakaji bamusanshije.
20 Penepo wanena’mba, ‘Nsa kwibafya mpala yami;+
Nsa kutala mobasa kwikadila.
Nami nsa kukolomona mukao wabo na boba kebadipo ne bu bantu bene;+
Nsa kwibasanshija na muzo mulembakane.+
22 Mwanda bulobo bwami bubaake mudilo+
Bukatēma munshi mwa Kibundu,*+
Kadi bukaloteja nshi ne bipa byayo
Kadi busa kwakila byalwilo bya ngulu.
23 Nkavudija byamalwa byabo;
Nkebasobwela miketo yami.
Nkebatumina meno a banyema+
Ne bulembe bwa bībulula panshi.
25 Panja, kipete kikebepaila bana;+
Munda, mudi luzakalo+
Kudi nsongwalume ne mujike mwine,
Mwana mutyetye pamo ne muntu wa mvwi.+
26 Nkanena’mba: “Nsa kwibapalakanya;
Nsa kulengeja bantu baleke kwibavuluka,”
Bakanena’mba: “I bukomo bwetu bwanekenya;+
Kadipo Yehova walongele bino byonso.”
29 Yō, shi badi na tunangu!+ Badi ba kulangulukila’po.+
Badi ba kulanga bikebafikila.+
30 Le muntu umo ubwanya namani kupanga bantu 1 000,
Ne bantu babidi kunyemeja bantu 10 000?+
Poso Dibwe dyabo dibapoteje+
Ne Yehova ebapāne.
32 Mwanda muñanza wabo i wa ku muñanza wa Sodoma
Ne ku madimi a Ngomola.+
Mañanza abo i mañanza a bulembe,
Bisansa byabo bilulanga bululu.+
33 Vinyu yabo i bulembe bwa banyoka,
Bulembe bwipaijana bwa bantambwa-ntanda.
34 Le kino’ki kekibīkilwepo na ami,
Kitūlwe kiyukeno mu kibīko kyami?+
35 Kinongo i kyami, ne mfuto mine,+
Pa kitatyi kitungwe, pakashetemuka kulu kwabo,+
Mwanda difuku dya kyamalwa kyabo dibafwena,
Kadi kyokya kibatengele kisa kwiya bukidibukidi.’
36 Mwanda Yehova ukatyibila bantu bandi mambo,+
Kadi ukevwanina bengidi bandi lusa*+
Pa kumona’mba bukomo bwabo bubatyepa,
Ne amba kubashala enka mufudile ne muzoze.
37 Penepo ukanena’mba, ‘Le baleza babo badi kwepi,+
Dibwe dine mobadi bakimba kunyemena,
38 Badi badya māni a bitapwa byabo,*
Batoma vinyu ya byamulambu byabo bya bitomibwa?+
Bemane bemukwashe.
Bekale ke kifuko kyenu kwa kunyemena.
Ngipayanga, ne kwikadija mūmi+
40 Mwanda natulula kuboko kwami mūlu,
Kadi natyipe amba: “Bine ne byondi mūmi nyeke,”+
41 Shi nanona kipete kyami kidyemuka
Kadi nalongolola kuboko kwami mwanda wa butyibi,+
Nkalubula kinongo ku bakinkwa nami+
Ne kufuta mfuto boba banshikilwe.
42 Nkalengeja miketo yami ikolwe mashi,
Kadi kipete kyami kikadya mwita,
Ne mashi a batapibwe ne a misungi,
Ne mitwe ya batangidiji ba walwana.’
43 A mizo, sangalai pamo na bantu bandi,+
Mwanda aye ukaluja kinongo kya mashi a bengidi bandi,+
Kadi ukalubwila kinongo bakinkwa nandi+
Kadi ukapūta bubi bwa* ntanda ya bantu bandi.”
44 Penepo Mosesa waiya, wapituluka binenwa byonso bya luno lwimbo mu matwi a bantu,+ aye ne Hoshea*+ mwanā Nuna. 45 Mosesa pa kupwa kunena bino binenwa byonso kudi Isalela ense, 46 webanena’mba: “Lamai ku mutyima binenwa byonso byonemudyumuna dyalelo dino’di,+ amba musoñanye benu bana bate mutyima’mba balonge mwendele binenwa byonso bya bino Bijila.+ 47 Mwanda kino ke kinenwapo kya bituputupu komudi, ino akyo i būmi bwenu,+ kadi kupityila ku kino kinenwa mukekalanga bōmi kitatyi kilampe mu ntanda yomwabukila Yodano kukeiyata ke yenu.”
48 Yehova wesamba na Mosesa mu difuku dyonka’dya, amba: 49 “Kanda mu luno lūlu lwa Abadimi,+ Lūlu lwa Nebo,+ ludi mu ntanda ya Moabu, lwitadidile na Yediko, utale ntanda ya Kenani, yonsa kupa bene Isalela ke yabo.+ 50 Penepo usa kufwila mu lūlu losa kukanda, kadi ukalungwa ku bantu bobe,* monka mwafwidile Alone mwanenu mu Lūlu lwa Hola,+ walungwa ku bantu bandi, 51 mwanda banwe bonso bubidi mwabudilwe kikōkeji kondi mu bukata mwa bene Isalela ku mema a Mediba+ wa Kadesha mu ntanda mutuputupu ya Zine, ke-pantu kemwampandwilepo ku meso a bantu ba Isalela.+ 52 Usa kumwena ntanda’ya kulampe, ino kukatwelapo mu ntanda yonsa kupa bantu ba Isalela.”+