Bilongwa bya Mafuku wa Bubidi
19 Penepo Yehoshafata mulopwe wa Yuda wajoka senene*+ ku njibo* yandi mu Yelusalema. 2 Yehu+ mwanā Hanani+ mumoni watamba kukamusambakana kanena Mulopwe Yehoshafata amba: “Le i mubi ofwaninwe kukwasha,+ kadi le i boba bashikilwe Yehova bofwaninwe kusanswa?+ Pa mwanda wa kino’ki, Yehova wakufītyilwa mutyima. 3 Inoko, kudi bintu biyampe byatanwa modi,+ mwanda watalwile bipanda bikola* mu ntanda, kadi wateakenye mutyima obe* mwanda wa kukimba Leza wa bine.”+
4 Yehoshafata waikala nyeke mu Yelusalema, waenda monka mu bantu tamba ku Bela-Sheba kufika ne ku ntanda ya ngulu ya Efelaimi,+ mwanda wa kwibajokeja kudi Yehova Leza wa bakulutuba babo.+ 5 Watonga’ko ne batyibi mu ntanda yonso, mu bibundi byonso bikomejibwe bya Yuda, mu kibundi ne kibundi.+ 6 Kupwa wanena batyibi amba: “Tai mutyima ku byomulonga, mwanda kemutyibangapo mambo mwanda wa muntu ino i mwanda wa Yehova, kadi nandi udi nenu kitatyi kyomutyiba mambo.+ 7 Nanshi moyo wa kutyina Yehova wikale pomudi.+ Tadijai byomulonga, mwanda Yehova Leza wetu kadipo na bukondame,+ nansha mboloji,+ nansha kwitabija kutyibwa milomo.”+
8 Mu Yelusalema namo, Yehoshafata watonga bene Levi bamo ne babitobo ne mitwe imo ya mobo a bashandya bene Isalela ba kwikala batyibi pa mwanda wa Yehova ne kusambija myanda ya bekadi ba Yelusalema.+ 9 Ebiya webasoñanya’mba: “Bino’bi e byomufwaninwe kulonga pa kutyina Yehova, na kikōkeji ne mutyima onso mutuntulu:* 10 Shi banabenu bekalanga mu bibundi byabo abaiya na mambo atala kumwanga mashi+ nansha mwanda utala bijila, mbila, misoñanya, nansha butyibi, mufwaninwe kwibadyumuna kutyina’mba bakapya mambo ku meso a Yehova; shi bitupu aye ukemufītyilwa mutyima banwe ne banabenu. Bino’bi e byomufwaninwe kulonga, kutyina’mba mwakapya mambo. 11 Amadia yeu, kitobo mukulu udi peulu penu mu myanda yonso ya Yehova.+ Zebadia mwanā Ishemele aye i mutangidiji wa njibo ya Yuda mu myanda yonso itala mulopwe. Kadi bene Levi bakekala bemaniji benu. Mwikomejei kadi ingilai, Yehova ekale na boba balonga kyokya kiyampe.*+