Nahumi
3 Malwa akyo kibundi kimwanga mashi!
I kiyule bongojani bā ne bwivi.
Kekibulwangapo kikwatwa nansha dimo!
2 Kudi lunwa lwa lusonde ne kuvuma kwa matonto,
Kabalwe kenda lubilo ne dikalo dikilakila.
3 Muntu ukende pa kabalwe, kipete kidyemuka, ne mukobe ukelema,
Kibumbo kya batapwe ne milwi ya ngitu mifwe
—Imbidi mifwe keidipo na mfulo.
Bakukala’nka kukukala imbidi mifwe.
4 I pa mwanda wa bilongwa bivule bya busekese bya ndumba,
Aye i muyampe bininge kadi mupopoke, mfumwandya butyi,
Upija mizo mu dikinga na busekese bwandi, bisaka nabyo na butyi bwandi.
5 “Tala! Nsa kulwa nobe,”* i Yehova wa bibumbo+ unena,
“Nsa kukandija milomo ya kivwalwa kyobe ku mpala yobe;
Nkalengeja mizo imone mutaka obe,
Malopwe nao bumvu bobe.
7 Ense ukumona ukakunyema+ kanena’mba,
‘Nineva wasalwa!
Le i ani uketūla pa kyandi kyaba?’
Le nkakusokwela basengi kwepi?
8 Lelo wi muyampe kutabuka No-Amone,*+ wadi ushikete ku mikola ya Nile?+
Mema amujokolokele;
Bupeta bwandi bwadi dijiba, lubumbu lwandi nalo dijiba.
9 Efiopya wadi nsulo yandi ya bukomo bwampikwa mfulo, ne Edipito mwine.
Puta+ ne bene Libya badi bakwashi bobe.+
10 Ino nansha byawaikele bu musungi;
Waenda mu bu misungi.+
Bandi bana nabo basasamwinwe bisesobiseso mu difinko dyonso dya kipito.*
Bantu bandi balēmekibwe bebatedile bubale
Kadi bantu bandi bakatampe bakutyilwe na nkano.
11 Nobe ukakolwa;+
Ukafyama.
Ukakimba kwa kunyemena walwana.
12 Mansakwa obe onso adi pamo bwa mityi ya bikuyu ya bipa bibajinji byele;
Shi abeikūkula, bikaponena mu kyakanwa kya wa kwibidya.
13 Tala! Bibumbo byobe bya basola bidi pamo bwa bana-bakaji mu bukata mobe.
Bibelo bya ntanda yobe bikashitwilwa pululu balwana nobe.
Mudilo ukasōka mikabo ya bibelo byobe.
14 Teka mema mwanda wa kasāla!+
Komeja mansakwa obe.
Tūkila mu bitoto ne kutyampa dilongo;
Kwata kikombola kya bidiki.
15 Mudilo ukakusōka ne kokwa kwine.
Kipete kikakutyiba’ko.+
Kikakubokota na mubokwetanga njie myana.+
Wivudije pamo bwa njie myana!
Bine, wivudije pamo bwa njie!
16 Ubavudija bansunga bobe bininge kutabuka ñenyenye ya mūlu.
Lujie lwana lwiibululanga kikoba, lwatumbuka.
17 Balami bobe badi pamo bwa lujie,
Kadi bamudyavita bobe badi pamo bwa kibumbo kya njie.
Itūlanga nkambi mu bipombo bya mabwe mu difuku dya mashika,
Ino shi dyuba dibatambe, yatumbuka;
Kadi i kutupu uyukile koidi.
18 A mulopwe wa Ashidia, bakumbi bobe bakunukanga;
Ba bulēme bobe bekele mu bīkalo byabo.
Bantu bobe abapalakana pa ngulu,
I kutupu nansha umo wibakongakanya pamo.+
19 Kimpengele kyobe kekikapupo.
Bilonda byobe kebibwanyapo kubeluka.