Ñimbo ya Mitōto
MUKANDA WA BUSATU
(Ñimbo ya Mitōto 73:1-89)
Lwimbo lwa Asafa.+
73 Bine, Leza i muyampe kudi Isalela, ku boba ba mutyima utōka.+
2 Ino ami, maulu ami asakile kusāsuka;
Matabula ami adi kubwipi na kushetemuka.+
6 O mwanda, kwizunzula i kamuyololo ka mwishingo yabo;+
Lūma lwibavwele pamo bwa kivwalwa.
7 Bupeta* bwabo bubayuja meso abo;
Abapite ne pa byobadi balanga mu mityima yabo bine.
8 Bapunikanga bakwabo ne kunena bintu bibibibi.+
Bazakaja byamalwa na kibengo.+
9 Besambanga wita’mba badi peulu pamo bwa diulu,
Kadi ndimi yabo yendakananga pa ntanda.
10 Ebiya bantu bandi abasāsukila kobadi,
Kebatome mema abo mangimangi.
11 Kebanena’mba: “Le Leza uyukile namani?+
Le bine, Mwine wa Peulu Mwine udi na buyuki?”
13 Na bubine, ne mulame mutyima wami utōka bya bitupu
Ne koya makasa ami mu bumpikwa mambo.+
16 Ponatompele kwibivwanija,
Byaunkambakenye.
17 Kufika ne byonatwelele mu kipandulwe kikatampe kya Leza,
Najingulula mfulo yabo.
18 Bine ubebatūla pa nshi isenena.+
Ubebaponeja mu masala abo.+
19 Yō, abasalwa mu kitulumukila!+
Yō, abafule mu kitulumukila pobafwena ku mfulo ya malwa!
20 Monka mwikadilanga kilotwa shi muntu wabūka, a Yehova,
Pokabūka, ukafundula* kyelekejo kyabo.
22 Nadi wampikwa milangwe ne ñeni;
Nadi pamo bwa nyema wampikwa ñeni ku meso obe.
25 Le i ani ondi nandi mūlu?
Kadi nkyabilangapo kintu pano pa ntanda poso’nka abe.+
27 Bine, boba badi nyeke kulampe nobe bakoneka.
Abe ukafudija* yewa ense ukutantuka.*+
28 Ino amiwa, kufwena kudi Leza i kuyampe kondi.+
Natūla Mfumu Mwinē Lupusa Lonso Yehova bu kinyemeno kyami,
Amba nsapule bilongwa byobe byonso.+