Kupituluka mu Bijila
25 “Shi kubatambe lupata pa bukata bwa bantu babidi, bakenda kudi batyibi,+ nabo bakebatyibila mambo, bakabingija yewa moloke ne kuponeja yewa mubi.+ 2 Shi yewa mubi ufwaninwe kukupilwa,+ nabya mutyibi ukamulādikija panshi, bakamukupila aye umwene. Bungi bwa bikupilwa bukadingakana na kibi kyalongele. 3 Ubwanya kumukupila kufika ne ku bikupilwa 40,+ kakapityijapo. Shi endelele kumukupila bikupilwa bivule kutabuka bino’bi, nabya mwanenu ukazobejibwa ku meso obe.
4 “Kokakuta ñombe lukano ku kanwa papūla miseke.+
5 “Shi bana na bana bashikatanga pamo kadi umo wafu kwampikwa kubutula mwana mwana-mulume, mukaja yewa ufwile kakasongwepo panja pa kisaka. Mwanabo na wandi mulume ukenda kwadi, ukamusela bu mukaji, ne kumupyana.+ 6 Mwana umbedi wakabutula ukasela dijina dya mwanabo ufwile,+ kutyina’mba dijina dyandi dyakajimina mu Isalela.+
7 “Ino shi mwana-mulume’wa kasakilepo kusonga mukaja mwanabo mufwe, nankyo mukaja mwanabo mufwe ukenda kudi bakulumpe pa kibelo kya kibundi ne kunena’mba, ‘Mwanabo na wami mulume wapele kulama dijina dya mwanabo mu Isalela. Ketabijepo kumpyana.’ 8 Penepo bakulumpe ba kibundi kyandi bafwaninwe kumwityija ne kwisamba nandi. Shi uningile, wanena’mba, ‘Nkisakilepo kumusonga,’ 9 nabya mukaja mwanabo mufwe ukamufwena ku meso a bakulumpe, ukamuvūla kikwabilo ku maulu andi,+ ne kumupēlela mata mu mpala, kanena’mba, ‘I namino’u mukalongelwa mwana-mulume kakōbakapo njibo ya mwanabo.’ 10 Kupwa papo, dijina* dya kisaka kyandi mu Isalela dikayukwa bu ‘Njibo ya yewa muvūlwe kikwabilo.’
11 “Shi bana-balume babidi bekupila, ino mukaja umo waitabila wandi mulume mwanda wa kumukinga kudi yewa umukupila, kupwa waolola kuboko kwandi wamukwata pakola, 12 ufwaninwe kumuketa kikasala. Kufwaninwepo kumukwatyilwa lusa.*
13 “Kufwaninwepo kwikala na bipimo bibidi bya mabwe+ bishile mu mufuko obe, kikatampe ne kityetye. 14 Kufwaninwepo kwikala na bipimo bibidi bishile bya kudinga’mo bintu*+ mu njibo yobe, kikatampe ne kityetye. 15 Ukekala na kipimo kya bulēmi kya bine kadi kyampikwa budimbidimbi, ne kipimo kya kudinga’mo bintu kya bine kadi kyampikwa budimbidimbi, amba ukekale mūmi kitatyi kilampe mu ntanda ikupa Yehova Leza obe.+ 16 Mwanda muntu ense mukondame ulonga bintu bidi namino i wa munyanji kudi Yehova Leza obe.+
17 “Vuluka byakulongele Amaleke mu dishinda powadi utamba mu Edipito,+ 18 mwaakusambakenine mu dishinda, watamba boba bonso badi kunyuma kobe powadi mukōke kadi mupungile. Katyininepo Leza. 19 Shi Yehova Leza obe wakupe kukōkolokwa ku balwana nobe bonso bakujokolokele mu ntanda ikupa Yehova Leza obe wiiyate bu bupyani,+ ukajimankanya Amaleke fututu aleke kutelwa munshi mwa diulu.+ Kufwaninwepo kwilwa.