Ñimbo ya Mitōto
Kudi mukulu wa bañomba; na byombanwa bileululwe pa Sheminite.* Lwimbo lwa Davida.
12 A Yehova, mpandije’po, mwanda muntu wa lulamato kakidi’kopo;
Bantu bakōkele abapu mu bantu.
2 Besamba bya bubela abo bene na bene;
Bashiñanya na milomo* yabo ne kwisamba na mityima ya bongojani.*+
3 Yehova ukatyiba milomo yonso ya lushiñanya
Ne ludimi lwitumbika bikatampe,+
4 Boba banena’mba: “Tukanekenya na ndimi yetu.
Twingidijanga milomo yetu motusakila;
Le i ani uketubikala bu mfumu?”+
5 “Pa mwanda wa bamweshibwa malwa basusulwa,
Pa mwanda wa kubinza kwa mulanda,+
Nkemananga kulonga’po kintu,” i Yehova unena.
“Nkebapandija ku boba bebafutulula.”*
6 Binenwa bya Yehova i bitōka tō;+
Bidi pamo bwa ndalama mikundulwe mu nkelwa ya biloba,* mitōkejibwe misunsa isamba-ibidi.
7 A Yehova, abe ukebalamanga;+
Ukebakiñanga abo bonso ku luno lukongo nyeke.
8 Babi banangakananga kukankajibwa mpika
Mwanda bana ba bantu bakankamikanga bilongwa bibi.+