Ñimbo ya Mitōto

72 A Leza, pá mulopwe butyibi bobe,

Kadi pá mwanā mulopwe boloke bobe.+

 2 Anene mambo a bantu bobe na boloke,

Ne a bantu bobe bapēlulwe na bululame.+

 3 Ngulu iletele bantu ndoe,

Kadi mikuna nayo ilete boloke.

 4 Anenene* boba bapēlulwe mu bantu,

Apandije bana ba mulanda,

Ne kuvingakanya wa budimbidimbi.+

 5 Bakakutyinanga kitatyi kyonso kidi’ko dyuba

Ne kitatyi kyonso kikele’ko kweji,

Ku nkongo ne nkongo.+

 6 Aye ukekalanga pamo bwa mvula unokela pa biyombo bikete,

Pamo bwa minoko ya mvula isangila ntanda.+

 7 Mu mafuku andi, moloke ukamonanga biyampe,*+

Kadi ndoe ikavula+ kufika ne bijimina kweji.

 8 Aye ukekala na babikalwa* tamba ku dijiba kutūla ne ku dijiba

Ne tamba ku Munonga* kutūla ne ku mafulo a ntanda.+

 9 Bekadi ba mu ntanda mutuputupu bakevukwila ku meso andi,

Kadi balwana nandi bakalamba luvumbi.+

11 Balopwe bonso bakevukwila ku meso andi,

Kadi mizo yonso ikamwingidila.

12 Mwanda aye ukakūlanga mulanda wabija bukwashi,

Ne mupēlulwe ne yewa ense wampikwa mukwashi.

13 Ukevwaninanga lusa mupēlulwe ne mulanda,

Kadi būmi bwa* balanda ukebupandijanga.

14 Ukebakūlanga* ku malwa ne ku lūma,

Kadi mashi abo akekala malēme ku meso andi.

Bantu balombele nyeke pa mwanda wandi,

Kadi eselwe difuku dyonso dituntulu.

16 Kukekalanga miseke mivule pa ntanda;+

Ikekalanga mingimingi pangala pa ngulu.

Bipa byandi bikadimbila pamo bwa mu Lebanona,+

Kadi mu bibundi bantu bakavula pamo bwa munamuna ya pa ntanda.+

17 Dijina dyandi dilādile nyeke,+

Kadi dimone nyeke biyampe pamo bwa dyuba.

Bantu bamone dyese dyabo abo bene kupityila kudi aye;+

Mizo yonso imutele bu wa nsangaji.

18 Yehova Leza atendelwe, Leza wa Isalela,+

Aye bunka bwandi uloñanga bintu bya kutendelwa.+

19 Dijina dyandi dya ntumbo ditendelwe nyeke,+

Kadi ntumbo yandi iyule ntanda yonso.+