Ñimbo ya Mitōto
Kudi mukulu wa bañomba; pa “Maluba.” Lwimbo lwa Davida.
69 A Leza, mpandije, mwanda mema abazakaja būmi bwami.*+
2 Nejīka mu bitoto bilampe, mwampikwa nshi myūmu.+
Naiya mu mema malamala,
Kadi mulungu wa munonga ubampitula.+
3 Nakōka kwela lubila;+
Mudibu ubañume.
Meso ami abapungila pontengele Leza wami.+
Boba basaka kungipaya,
Balwana nami banzazangi,* abavula.
Bauningīle kuleta bintu byonkyaibilepo.
5 A Leza, abe uyukile biyampe bulembakane bwami,
Kadi mambo ami keakufīlwepo.
6 Boba bakulupile modi kebakafwijibwa bumvu pa mwanda wami,
A Mfumu Mwinē Lupusa Lonso, Yehova wa bibumbo.
Boba bakukimba kebakapēlulwa pa mwanda wami,
A Leza wa Isalela.
8 Kendi mweni ku banabetu,
Muntu ungi ku bana ba mama.+
11 Ponalongele masāka ke bivwalwa byami,
Naikele kendi kintu kya kuzobejibwa* kobadi.
12 Kendi wa kunenwa na boba bashikete mu kibelo kya kibundi,
Ne bankolwankolwa abangalamuna kendi wa kwimbwa mu ñimbo yabo.
13 Inoko milombelo yami ifike kodi,
A Yehova, mu kitatyi kitabijibwe.+
Mu bungi bwa buswe bobe bwa ndamatyidile, abe Leza,
Nondolole na bilongwa byobe bya bine bya lupandilo.+
14 Nkūle ku bitoto;
Kokandeka nejīke.
Nkūle ku boba banshikilwe
Ne ku mema malamala.+
15 Kokaleka mulungu wa mema a dilobe umpitule,+
Nansha kuleka mema malamala kumina,
16 A Yehova, nondolole, mwanda buswe bobe bwa ndamatyidile i buyampe.+
Nondolole bukidibukidi, mwanda ngidi mu tusua.+
18 Mfwene pabwipi unkūle;*
Nyongolole pa mwanda wa balwana nami.
19 Abe uyukile mutonko obantuka ne kuzobejibwa ne kufwijibwa bumvu kwami.+
Umwene bonso banshikilwe.
20 Mutonko ubantyumuna mutyima, kadi kilonda kekikomapo.*
Nadi nkulupile amba baketūla pa kyaba kyami, ino i kutupu nansha umo,+
Ne ba kunsenga, ino nkimwenepo nansha umo.+
21 Ino pa kyaba kya byakudya baumpele bulembe,*+
Kadi mwanda wa kyami kyumwa baumpa busuku busosoma amba ntome.+
22 Meza abo ekale ke kidiba kobadi,
Ne bupeta bwabo, ke dikinga.+
23 Meso abo afīte kutyina bakamona,
Kadi zakaja nyeke bifuka byabo.
26 Mwanda balondalondanga yewa owakupile,
Kadi basekununanga masusu a boba bowatapile.
27 Bweja’ko mambo ku mambo abo,
Kadi kokebamona bu boloke.
29 Ino ami namone malwa kadi ngidi na misanshi.+
A Leza, bukomo bobe bupandija bundame.
30 Nkembilanga dijina dya Leza mitendelo,
Kadi nkamutumbijanga ne kufwija’ko.
31 Kino kikasangaja Yehova kupita ñombe.
Kupita ñombe mwana wa masengo ne mikono.+
32 Betyepeje bakemwenanga ne kusangala.
Banwe bakimba Leza, mityima yenu ipumputumuke.
34 Diulu ne ntanda bimutendele,+
Majiba ne byonso bijina’mo.