Lwimbo lwa Davida, kitatyi kyaweinenye kawienge bu kivila+ ku meso a Abimeleke, wamupangile, nandi wataluka.
א [Aleph]
34 Nkatendelanga Yehova kitatyi kyonso;
Mitendelo yandi ikekala ku milomo yami nyeke.
ב [Beth]
2 Ami nketumbijanga mudi Yehova;+
Betyepeje bakevwananga ne kusangala.
ג [Gimel]
3 Tumbijai Yehova pamo nami;+
Tuzunzulei dijina dyandi pamo.
ד [Daleth]
4 Naipangwile Yehova, nandi wanondolola.+
Waunkūla ku moyo wami onso.+
ה [He]
5 Boba batadile kwadi basangele bininge;
Mapala abo keafwijibwepo bumvu.
ז [Zayin]
6 Uno muntu mupēlulwe waityile, Yehova nandi waivwana.
Wamupandija ku tusua twandi tonso.+
ח [Heth]
7 Mwikeulu wa Yehova ujokolokele boba bamwakaminwe,+
Kadi wibakūlanga.+
ט [Teth]
8 Tompai mumone amba Yehova i muyampe;+
Wa nsangaji i yewa muntu unyemena mwadi.
י [Yod]
9 Tyinai Yehova, banwe bajila bandi bonso,
Mwanda boba bamutyina kebabulwangapo kintu nansha kimo.+
כ [Kaph]
10 Enka ne bantambo bana bakomokomo bevwananga nzala,
Ino boba bakimba Yehova kebakabulwepo kintu kiyampe nansha kimo.+
ל [Lamed]
11 A bana bami, iyai munteje;
Nsa kwimufundija kutyina Yehova.+
מ [Mem]
12 I ani le mu bukata mwenu usangelanga būmi
Ne ukasanswa kumona mafuku mayampe mangi?+
נ [Nun]
13 Nanshi lama ludimi lobe ku byobya bibi,+
Ne milomo yobe ku kwisamba bya bongojani.+
ס [Samekh]
14 Vundamina bibi, ulonge biyampe;+
Kimba ndoe ne kulondalonda’yo.+
ע [Ayin]
15 Meso a Yehova adi pa boloke,+
Matwi andi nao evwananga pobabija bukwashi.+
פ [Pe]
16 Ino mpala ya Yehova ilwanga na boba balonga bibi,
Mwanda wa kujimankanya kivulukilo kyabo kyonso pano pa ntanda.+
צ [Tsade]
17 Bamwabije, Yehova nandi waivwana;+
Webakūla ku tusua twabo tonso.+
ק [Qoph]
18 Yehova udi pabwipi na boba ba mityima mityumuke;+
Upandijanga boba ba mushipiditu musonsakane.+
ר [Resh]
19 Masusu a moloke i mavule,+
Ino Yehova umukūlanga ku onso.+
ש [Shin]
20 Ulamanga mikupa yandi yonso;
I kutupu nansha umo utyumunwa.+
ת [Taw]
21 Kimpengele kikafikija mubi ku lufu;
Boba bashikilwe moloke bakalambikwa mambo.
22 Yehova ukūlanga būmi bwa bengidi bandi;
I kutupu nansha umo unyemena mwadi ukalambikwa mambo.+