Ñimbo ya Mitōto

91 Yewa ense wikele pafyame pa Mwine wa Peulu Mwine+

Ukekalanga mu mwemba wa Mwinē Bukomo Bonso.+

 2 Nkanenanga Yehova amba: “Abe wi kinyemeno kyami ne kifuko kyami kikomejibwe,+

Leza wami onkulupile.”+

 3 Mwanda aye ukankūlanga ku dikinga dya kiluwe wa byoni,

Ku kipupo kya misongo kya bonakani.

 4 Ukakupūtanga* mapapwa andi,

Kadi nobe ukanyemena mu mapapa andi.+

 5 Kukatyinapo luzakalo lwa bufuku,+

Nansha muketo upita dyuba,+

 6 Nansha kipupo kya misongo kibenza mu mfindi,

Nansha bonakani buleta musala dyuba mu mitwe.

 7 Kanunu kakapona kubwipi nobe

Ne tununu dikumi ku kuboko kobe kwa lundyo,

Ino kekikakufwenapo.+

 8 Ukekimonanga’tu na meso obe

Pokemwena mfuto ya* babi.

Ubalonga Mwine wa Peulu Mwine ke kīkalo* kyobe;+

10 I kutupu kimpengele kikakuponena,+

Nansha kipupo kikafwena kubwipi na pema obe.

11 Mwanda aye ukasoñanya bamwikeulu+ bandi pa mwanda obe,

Amba bakulame mu mashinda obe onso.+

12 Bakakusela mu makasa abo,+

Kutyina’mba wakakukala kulu ku dibwe.+

13 Ukatyampanga ntambo mwana ne ntambwa-ntanda*

Ukatyimpila mu mayo ntambo wa maenze ne kinyoka.+

16 Nkamwikutyijanga būmi bulampe,+

Kadi nkamumweshanga bilongwa byami bya lupandilo.”*+