Ñimbo ya Mitōto

115 Ke batwepo, a Yehova, ke batwepo,*

Ino pá dijina dyobe ntumbo+

Pa mwanda wa buswe bobe bwa ndamatyidile ne bubinebine bobe.+

 3 Leza wetu udi mūlu;

Uloñanga kyonso kyasaka.

 4 Bilezaleza byabo i ndalama ne olo,

Mingilo ya makasa a bantu.+

 5 Bidi na kyakanwa, ino kebibwanyapo kwisamba;+

Meso bidi nao, ino kebibwanyapo kumona;

 6 Bidi na matwi, ino kebibwanyapo kwivwana;

Myulu bidi nayo, ino kebibwanyapo kulula;

 7 Bidi na makasa, ino kebibwanyapo kukwata;

Maulu bidi nao, ino kebibwanyapo kwenda;+

Kebitambijangapo diwi na mudibu wabyo.+

 8 Bantu bebilonga bakekala pamo’nka bwa abyo,+

Mo mukekadila boba bonso bebikulupile.+

 9 A Isalela, kulupila mudi Yehova+

—Aye i mukwashi wabo ne ngabo yabo.+

10 A njibo ya Alone,+ kulupila mudi Yehova

—Aye i mukwashi wabo ne ngabo yabo.

11 Banwe batyina Yehova, kulupilai mudi Yehova+

—Aye i mukwashi wabo ne ngabo yabo.+

12 Yehova wetuvuluka kadi uketwesela;

Ukesela njibo ya Isalela;+

Ukesela njibo ya Alone.

13 Aye ukesela boba batyina Yehova,

Batyetye ne bakatampe bene.

14 Yehova ukemuvudija,

Banwe ne benu bana.*+

15 Yehova emwesele,+

Mulongi wa diulu ne ntanda.+

16 Mwanda madiulu, i a Yehova,+

Inoko ntanda wapele’yo bana ba bantu.+

17 Bafwe kebatendelangapo Yah;+

Nansha ke boba batūkila mu lufu.*+

18 Ino batwe tukatendelanga Yah

Tamba pano ne nyeke.