Ñimbo ya Mitōto

142 Naite Yehova na diwi dyami ankwashe;+

Nazenze Yehova na diwi dyami antōkelwe mutyima.

 2 Napungulula milangwe yami ku meso andi;

Nasapula tusua twami ku meso andi+

 3 Kitatyi kikōka mushipiditu wami* munda mwami.

Mu kashinda koñenda’mo,

Abamfi’mo kidiba.

 4 Tala ku kuboko kwami kwa lundyo umone

Amba i kutupu muntu untele mutyima.*+

Kekudipo kombwanya kunyemena;+

I kutupu nansha umo unkambakena.*

Nanena’mba: “Wi kinyemeno kyami,+

Ye enka ondi nandi* mu ntanda ya bōmi.”

 6 Tá mutyima ku kulomba konomba bukwashi,

Mwanda napēlulwa bininge.

Nkūle ku bampangapanga,+

Mwanda i bakomo kuntabuka.

 7 Ntambije* mu kifungo

Amba ntendele dijina dyobe.

Boloke banjokoloke

Mwanda ubanongela biyampe.