Ñimbo ya Mitōto

127 Shi Yehova kōbakilepo njibo,

Nabya bōbaki bengilanga’ko bininge bya bitupu.+

Shi Yehova kalaminepo kibundi,+

Nabya mulami ukeshanga bya bitupu.

 2 Mulangukanga lubanga bwē bya bitupu,

Ne kushikata nsá ke myende,

Ne kususukila byakudya byenu,

Mwanda aye usasaketanga baswedibwe bandi ne kwibapa tulo.+

 3 Talai! Bana* i bupyani butamba kudi Yehova;+

Kipa kya ndá i mpalo.+

 4 Pamo bwa miketo mu kuboko kwa muntu mukomokomo,

Mo mwikadile ne bana ba mu busongwalume.+

Kebakafwijibwapo bumvu,

Mwanda bakesamba na balwana pa kibelo kya kibundi.